Գործող զինծառայողները կունենան 21– 30 օր արձակուրդ․ Պապիկյան
ԵՐԵՎԱՆ, 13 հունվարի․/Նովոստի–Արմենիա/․ 2025 թ.-ին կատարել ենք օրենսդրական փոփոխություն, որով գործող զինծառայողների համար հնարավորություն ենք ստեղծել ունենալ 21–ից մինչև 30 օր արձակուրդ, հայտնեց պաշտպանության նախաար Սուրեն Պապիկյանը։
«Քանի որ խոսվում է ժամկետային զինծառայությունը 1.5 տարի դարձնելու և այս պահին 24 ամիս ծառայող զինծառայողների միջև տարբերության կամ անհամաչափության մասին, կարևոր եմ համարում նշել, որ 2025 թ.-ին մենք կատարել ենք ևս 1 օրենսդրական փոփոխություն, որով գործող զինծառայողների համար հնարավորություն ենք ստեղծել ունենալ 21–ից մինչև 30 օր արձակուրդ», – ասաց նախարարն այսօր ասուլիսի ժամանակ՝ նշելով, որ այդ արձակուրդը կբաշխվի համամասնորեն։
«Եթե նախկինում ծառայողների համար խոսքը 2 տարուն է վերաբերում, արդեն այս տարի զորակոչվածների համար այն կտարածվի 1․5 տարվա նկատմամբ, այն է` սահմանային ծառայություն տանող զինծառայողների համար 30 օր, այսինքն միջինը ամեն 6 ամսվա մեջ 10 օր զինծառայողը կկարողանա գնալ արձակուրդ և 21 օր՝ այլ զորամասերի, այսպես կոչված, թիկունքային զորամասերի համար»,- ասսաց Պապիկյանը։
