Գարնանային զով է սպասվում Հայաստանում

ԵՐԵՎԱՆ, 12 մայիսի. /Նովոստի–Արմենիա/. Հայաստանում օդի ջերմաստիճանը մայիսի 12–ին կնվազի 4-5 աստիճանով, արևելյան շրջաններում` 7-9 աստիճանով, իսկ այնուհետև կրկին կբարձրանա, հայտնում է Հայհիդրոմետկենտրոնը։

Ամենից զով կլինի ուրբաթ Շիրակի և Գեղարքունիքի մարզերում, ինչպես նաև Կոտայքի, Վայոց Ձորի և Արագածոտնի լեռներում` այդ շրջաններում գիշերը սպասվում է 5-10 աստիճան տաքություն, իսկ ցերեկը` 13-18 աստիճան։

Երևանում առաջիկա հինգ օրերին սնդիկի սյունը ցերեկային ժամերին կտատանվի 24-28 աստիճան տաքության սահմաններում։

Միաժամանակ, մայիսի 12–ին, 14–ին և 15–ին երկրի մարզերի մեծ մասում, իսկ մայիսի 16–ից նաև հյուսիսային շրջաննարում առավելապես կեսօրից հետո և գիշերը սպասվում են կարճատև անձրևներ և ամպրոպներ, առանձին վայրերում հնարավոր է կարկուտ։ Մայիսի 13–ին կանխատեսվում է առանց տեղումների եղանակ։

Քամին կլինի հարավ–արևմտյան` 3-8 մետր վայրկյան արագությամբ, ամպրոպի ժամանակ քամին կարող է ուժգնանալ մինչև 15-20 մետր վայրկյան։ -0-