ԵՐԵՎԱՆ, 23 հոկտեմբերի./Նովոստի–Արմենիա/. Եվրասիական համագործակցության III միջազգային համաժողովը (ԵԳՄՀ) սկսել է իր աշխատանքը Երևանում։
Ինչպես նշեց համաժողովի բացմանը «Եվրասիական համագործակցության միջազգային համաժողով» հասարակական կազմակերպության նախագահ, Համաշխարհային հայկական կոնգրեսի և Ռուսաստանի հայերի միության նախագահ, ՅՈՒՆԵՍԿՕ–ի բարի կամքի դեսպան Արա Աբրահամյանը, Համաժողովի նկատմամբ հետաքրքրությունը տարեցտարի մեծանում է։
«Համաժողովի մասնակիցների թիվը կրկնապատկվել է, աշխարհագրությունը՝ ընդլայնվել, և ես վստահ եմ, որ դրա արդյունքները կգերազանցեն մեր ակնկալիքները և կլինեն ոչ պակաս կարևոր, քան նախորդ տարի: Հիշեցնեմ, որ 2017-ին, Համաժողովի արդյունքում ստորագրվեց համագործակցության տասներկու համաձայնագիր, այդ թվում՝ Իրանի հետ սահմանամեձ Ազատ տնտեսական գոտու վերաբերյալ»,– ասաց Աբրահամյանը։
Նա նշեց, որ Եվրասիական համագործակցության միջազգային Համաժողովի կարևոր առանձնահատկությունն այն է, որ այն մշտական բնույթ է կրում և սահմանափակված չէ Հայաստանում անցկացվող օրերով, հայտնում է
«ԱՌԿԱ» գործակալությունը։
Նա միաժամանակ հայտնեց, որ Համաժողովի գրասենյակները գործում են ինչպես Երևանում, այնպես էլ Մոսկվայում, և առաջարկեց մտածել Եվրասիական տնտեսական միության բոլոր մայրաքաղաքներում, ինչպես նաև մի շարք այլ երկրներում Համաժողովի ներկայացուցչություններ ունենալու ուղղությամբ, հայտնում է
«Նպատակահարմար եմ գտնում ստեղծել Եվրասիական տնտեսական միության երկրների գործարարների ակումբային համակարգ, գործարար համայնքների միջև հորիզոնական կապերի ընդլայնման և ներդրումների ներգրավման նպատակով»,– ասաց Աբրահամյանը։
Նա հատուկ ուշադրություն դարձրեց նրան, որ միջոցառման մասնակիցներից շատերն առաջին անգամ են Հայաստանում, ընդգծելով, որ նրանց թվում է ԱՄՆ նախագահի խորհրդական Ռուդոլֆ Ջուլիանին, ով, որպես Նյու Յորքի նախկին քաղաքապետ, լավ գիտի, թե ինչ տեղ են զբաղեցնում կառավարման կառուցվածքում տնտեսությունը և ներդրումները։
Նա նշեց, որ այս տարի առաջին անգամ Համաժողովի շրջանակներում կանցկացվի գիտական նստաշրջան՝ աշխարհահռչակ սփյուռքահայ գիտնականների մասնակցությամբ, համոզմունք հայտնելով, որ այն զեկույցները և գիտական հետազոտությունները, որոնք կներկայացվեն ինչպես այս, այնպես և համաժողովի այլ նստաշրջաններում, հետաքրքրությամբ կընդունվեն ձեռներեցների և բիզնես-ընկերակցության այլ ներկայացուցիչների կողմից:
«Հավաստիացնում եմ, որ համագործակցության հնարավորությունները իրոք շատ մեծ են: Իսկ «ԵԱՏՄ երկրների տեխնոլոգիական առաջընթացի և պոտենցիալ հնարավորությունների բացահայտման» հաջողությունը, որին նվիրված է մեր Համաժողովը, մեծապես կախված է այսօր այս դահլիճում բոլոր ներկա գտնվողներից»,– ասաց Աբրահամյանը։
Երկօրյա համաժողովի աշխատանքներին մասնակցում են Ռուսաստանի, Հայաստանի, Բելառուսի, Խազախստանի, Ղրղըզստանի, ինչպես նաև ԱՄՆ–ի, Չինաստանի, Քաթարի, Հարավային Կորեայի, Իրանի, Հնդկաստանի և այլ երկրների կառավարությունների, գործարար շրջանակների և փորձագիտական հանրույթի բարձրաստիճան ներկայացուցիչներ, հայտնի համաշխարհային ընկերությունների ղեկավարներ։
Загружается новость ...
"Право"
ԵԳՄՀ–ի աշխատանքն այս տարի համակցված է Եվրասիական տնտեսական շաբաթվա` ԵՏՄ երկրների և ԵՏՀ–ի կողմից կազմակերպված միջազգային խոշորագույն գործարար համաժողովի հետ, որն ընդլայնում է բիզնեսի և ազգային ու անդրազգային մակարդակի կարգավորիչների արդյունավետ երկխոսության փոխադարձ հնարավորությունները։
Համաժողովի շրջանակում հոկտեմբերի 23–ին կկայանա նաև «ԵԱՏՄ երկրների տեխնոլոգիական առաջընթաց և պոտենցիալ հնարավորությունների բացահայտում» լիագումար նիստը, որում ելույթ կունենան ԵՏՀ կոլեգիայի նախագահ Տիգրան Սարգսյանը, Ռուսաստանի նախագահի խորհրդական Սերգեյ Գլազևը, ԱՄՆ նախագահի կիբերանվտանգության գծով խորհրդական, Նյու Յորքի նախկին քաղաքապետ, «Ջուլիանի Փարթներս» ընկերության վարչության նախագահ Ռուդոլֆ Ջուլիանին։
Համաժողովի շրջանակում կկայանա նաև կոնկատկների բորսա գործարար շրջանակների ներկայացուցիչների համար, ինչպես նաև պանելային նստաշրջաններ և կլոր սեղաններ, որոնց թվում հոկտեմբերի 23–ին կկազմակերպվի կլոր սեղան` նվիրված Հայաստանի Հանրապետության սահմանամերձ մարզերի զարգացման և ամրապնդման հարզերին։ Միջոցառման կազմակերպիչը Ռուսաստանի հայերի միությունն է։
Դրա աշխատանքին կմասնակցեն գործարար շրջանակների և փորձագիտական հանրության ներկայացուցիչներ, ինչպես նաև Հայաստանի Հանրապետության նախարարությունների և գերատեսչությունների, սահմանամերձ մարզերի և համայնքների ղեկավարներ։ Հատուկ դրան մասնակցելու համար հրավիրվել են տասնյակ գործարարներ Ռուսաստանից, ովքեր ծնվել են Հայաստանի սահմանամերձ շրջաններում։ Համաժողովի կազմակերպիչներն են` Ռուսաստանի Դաշնության արդյունաբերության և առևտրի նախարարությունը և «Եվրասիական համագործակցության միջազգային համաժողով» հասարակական կազմակերպության նախագահ, Համաշխարհային հայկական կոնգրեսի և Ռուսաստանի հայերի միության նախագահ, ՅՈՒՆԵՍԿՕ–ի բարի կամքի դեսպան Արա Աբրահամյանը։
Համաժողովն անցկացվում է երրորդ տարին անընդմեջ ԵՏՀ–ի հետ համատեղ։ Տվյալ համաժողովի անցկավման գաղափարին սատարում է Հայաստանի Հանրապետության կառավարությունը։ Առաջին երկու համաժողովների մասնակիցների թվում էր Ռուսաստանի արդյունաբերության և առևտրի նախարար Դենիս Մանտուրովը և «Սբերբանկ» ՀԲԸ վարչության անդամ Գերման Գրեֆը։ -0-
