Երթևեկության կազմակերպումը երևանյան խաչմերուկներից մեկում կփոխվի

ԵՐԵՎԱՆ, 31 մարտի. /Նովոստի–Արմենիա/. Երևանի Բագրևանդի փողոցի և այդ փողոցից դեպի Ձորաղբյուր տանող փողոցի խաչմերուկի երթևեկությունը կփոփոխվի, հաղորդում է ՀՀ ճանապարհային ոստիկանության մամուլի ծառայությունը:

Խաչմերուկում մարտի 31-ից գործարկվել է դեղին թարթող ազդանշանով լուսացույց, որը թույլատրում է երթևեկությունը, ինչպես նաև տեղեկացնում է չկարգավորվող խաչմերուկի և վերգետնյա հետիոտնային անցման մասին: -0-