Երևանում ձնամաքրման աշխատանքները շարունակվում են չդադարող ձյան պայմաններում

ԵՐԵՎԱՆ, 26 հունվարի. /Նովոստի–Արմենիա/. Չդադարող ձյան պայմաններում «Սանիթեք» ընկերությունը հունվարի 25-ի գիշերվանից սկսել է ձնամաքրման աշխատանքները, որոնք մինչ այժմ էլ շարունակվում են, հաղորդում է Երևանի քաղաքապետարանի մամուլի ծառայությունը:

«Հատուկ տեխնիկան հիմնականում կենտրոնացված է գլխավոր ու երկրորդական փողոցների ձնամաքրման համար: Մաքրվող բոլոր տարածքներն ըստ անհրաժեշտության մշակվում են աղի և ավազի խառնուրդով, իսկ բակային տարածքների ձնամաքրմանը վաղ առավոտից ներգրավված են նաև համատիրությունների աշխատակիցները», - նշվում է հաղորդագրության մեջ:

Հաղորդագրության մեջ նշվում է, որ ներկայում ձնամաքրման աշխատանքները շարունակվում են չդադարող ձյան պայմաններում: «Մայրաքաղաքում փակ փողոցներ չկան», - ընգծել են քաղաքապետարանից:

Քաղաքապետարանի մամուլի ծառայության հաղորդմամբ, աշխատանքների ընթացքը վերահսկում են վարչական շրջանների ղեկավարները, Երևանի քաղաքապետարանի կոմունալ տնտեսության վարչությունը և օպերատիվ շտաբը: -0-