ԵՐԵՎԱՆ, 15 օգոստոսի. /Նովոստի-Արմենիա/. Երևանի տներից մեկի բակում կանեփի թփեր են հայտնաբերվել։ Այս մասին հայտնում է ոստիկանության մամուլի ծառայությունը։
Ինչպես հայտնում են գերատեսչությունից, օգոստոսի 12-ին «Կանեփ-կակաչ-2019» համալիր օպերատիվ-կանխարգելիչ միջոցառման շրջանակում, ոստիկանության Երևան քաղաքի վարչության քրեական հետախուզության բաժնի ծառայողներն Էրեբունու բաժնի ծառայողների հետ համատեղ հայտնաբերեցին մեծ քանակի կանեփի բույսեր:
Загружается новость ... "Лево"
Երևանի Խորենացու փողոցի տներից մեկի բակից հայտնաբերվեց կանեփի 351 բույս և 3400 գրամ կանեփի չորացված զանգված: Ինչպես ոստիկաններին հայտնեց 59-ամյա տանտերը, հայտնաբերվածն իրենն է:
Նշանակվել են փորձաքննություններ:
Կատարվում է հետաքննություն: -0-