ԵՐԵՎԱՆ, 13 հունիսի./Նովոստի-Արմենիա/. Կազմակերպվել է Երևան - «Զվարթնոց» օդանավակայան և հակառակ ուղղությամբ փորձնական երթուղի։
Ինչպես հայտնում է Հայաստանի տրանսպորտի, կապի և տեղեկատվական տեխնոլոգիաների նախարարության մամուլի ծառայությունը, երթուղին նպատակ ունի կանոնակարգելու Երևան – «Զվարթնոց» ուղևորափոխադրումները։
Երթուղին կգործի հունիսի 14-ից՝ առավոտյան ժամը 10:00-ից, շուրջօրյա` յուրաքանչյուր ժամը մեկ։
Загружается новость ...
"Право"
«Ուղևորափոխադրումները կիրականացվեն Հանրապետության հրապարակի շատրվաններին կից գծանշումներով առանձնացված տարածքից, ավտոբուսներով և միկրոավտոբուսներով, որոնք կահավորված են օդորակիչներով և օդափոխիչներով»,– հայտնում են գերատեսչությունից։
Նշվում է, որ փոխադրավարձը մեկ ուղևորի համար 300 դրամ է։ -0-
