Երևանի ավագանու խորհրդի արտահերթ նիստում կքննարկվի նոր քաղաքապետի ընտրությունների օրը

ԵՐԵՎԱՆ, 11 հուլիսի./Նովոստի–Արմենիա/. Երևանի ավագանու խորհուրդը հինգշաբթի կքննարկի Երևանի նոր քաղաքապետի ընտրության հարցը, ասվում է Ավագանու խորհրդում «Ելք» խմբակցության հաղորդման մեջ։

Երևանի նախկին քաղաքապետ Տարոն Մարգարյանը հուլիսի 9–ին հայտարարել է իր հրաժարականի մասին։

««Երևան քաղաքի տեղական ինքնակառավարման մասին» օրենքի համաձայն, հուլիսի 12–ին ժամը 10։00–ին կկայանա Ավագանիների խորհրդի նիստը։ Օրակարգում քաղաքպետի ընտրության հարցն է»,– ասվում է «Ելք» խմբակցության Facebook–ի էջում։


Երևանի Ավագանու խորհրդի կազմում երեք խմբակցություններ են` ՀՀԿ–ին պատկանում է 46 մանդատ, «Ելք» և «Երկիր Ծիրանի» խմբակցություններին, համապատասխանաբար, 14 և 3 մանդատ։

Հայաստանում ապրիլի 13–ից սկսված զանգվածային բողոքի ակցիաների ֆոնին ապրիլի 23–ին Հայաստանի վարչապետ Սերժ Սարգսյանը հայտարարեց հրաժարականի մասին։ Նույն օրը Հայաստանի նախագահ Արմեն Սարգսյանն ընդունեց կառավարության հրաժարականը։
Հայաստանի խորհրդարանը մայիսի 8–ի հատուկ նիստում հայկական ընդդիմության առաջնորդ Նիկոլ Փաշինյանին ընտրեց վարչապետ։ Դրանից անմիջապես հետո սկսվեցին ակցիաներ` քաղաքապետ Տարոն Մարգարյանի հրաժարականի պահանջով։–0–