Ելնելով ստեղծված իրավիճակից‚ հորդորում ենք գնալ Մայր Աթոռ և նեցուկ լինել Մայր Եկեղեցուն․ Երևանի Սբ. Գրիգոր Լուսավորիչ Մայր Եկեղեցի
ԵՐԵՎԱՆ, 27 հունիսի․/Նովոստի–Արմենիա/․ Երևանի Սբ. Գրիգոր Լուսավորիչ Մայր Եկեղեցին կոչ է անում հավատացյալներին գնալ Մայր Աթոռ Սուրբ Էջմիածին։
«Սիրելի հավատացյալներ‚ ելնելով ստեղծված իրավիճակից‚ հորդորում ենք գնալ Մայր Աթոռ Սուրբ Էջմիածին և նեցուկ լինել Մայր Եկեղեցուն»,– նշվում է հաղորդագրության մեջ։
Նշենք, որ Մայր Աթոռ Սուրբ Էջմիածնում իրավիճակը լարված է, ԱԱԾ–ն գործողություններ են իրականացնում Մայր Աթոռում, փորձում է բերման ենթարկել Աջապահյանին, հոգևորականները խոչընդոտում են։
Նախօրեին հայտնի է դարձել, որ Շիրակի թեմի առաջնորդ Միքայել արքեպիսկոպոս Աջապահյանի նկատմամբ քրեական վարույթ է նախաձեռնվել:
Աջապահյանի՝ «երկրում ռազմական հեղաշրջում անելու» հայտարարությունների վերաբերյալ քրեական վարույթ է նախաձեռնվել` իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչեր անելու համար։
Ավելի օպերատիվ լուրերին հետևեք մեր Տելեգրամում
