Ձյուն է սպասվում Հայաստանում

ԵՐԵՎԱՆ, 12 հունվարի. /Նովոստի–Արմենիա/. Ձյուն է սպասվում Հայաստանի մի շարք մարզերում ուրբաթ, հայտնում է Հայհիդրոմետկենտրոնը։

Մասնավորապես, թույլ ձյուն կտեղա Շիրակի, Կոտայքի, Արագածոտնի, Արմավիրի մարզերում, Վայոց Ձորի նախալեռներում և Երևանում։

Միաժամանակ, հունվարի 14-17–ը կանխատեսվում է առանց տեղումների եղանակ, Արարատյան դաշտավայրում, ինչպես նաև Արագածոտնի և Վայոց Ձորի նախալեռներում հատկապես առավոտյան և գիշերները մառախուղ է սպասվում։

Քամին կլինի հյուսիս–արևմտյան` 3-8 մետր վայրկյան արագությամբ։ Օդի ջերմաստիճանն էապես չի փոխվի։

Երևանում առաջիկա հինգ օրերին սնդիկի սյունը ցույց կտա 5-7 աստիճան ցուրտ։ -0-