Սուրենյան. ձմեռ–գարուն մենամարտ Հայաստանում

ԵՐԵՎԱՆ, 7 ապրիլի. /Նովոստի–Արմենիա/. Ձմեռը մենամարտի կբռնվի գարնան հետ Հայաստանում։ Այսպիսի փոխաբերություն է հնչեցրել Հայաստանի ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը։

«Ապրիլի 9-10-ին ձմեռ-գարուն ուժեղ կռիվ է սպասվում»,– գրել է նա Facebook-ի իր էջում։

Եղանակային անկայունություն Մայրության և գեղեցկության տոնին>>

Հայհիդրոմետկենտրոնի կանխատեսմամբ, առաջիկա օրերին Հայաստանում օդի ջերմաստիճանը կնվազի 4-6 աստիճանով։ Ապրիլի 7-8–ին առավելապես հյուսիսային շրջաններում, իսկ 9–ին` հանրապետության մի շարք մարզերում տեղումներ են սպասվում։ -0-