498.82
6.81
472.64
+12
Եղանակը Երևանում
Հայ

«Ձեռնարկությունների ինկուբատոր» հիմնադրամը պատրաստ է իր պատիվը պաշտպանել դատարանում

18:14
12 Դեկտեմբերի 2016

ԵՐԵՎԱՆ, 12 դեկտեմբերի. /Նովոստի–Արմենիա/. «Ձեռնարկությունների ինկուբատոր» հայկական հիմնադրամը պատրաստ է պաշտպանել իր պատիվը դատարանում, բայց ոչ ի վնաս ոլորտի, երկուշաբթի «Նովոստի–Արմենիա» մամուլի կենտրոնում ասաց «Ձեռնարկությունների ինկուբատոր» հիմնադրամի (EIF) տնօրեն Բագրատ Ենգիբարյանը։

Ինչպես հայտնում է telecom.arka.am պորտալը, Հայաստանի գլխավոր դատախազը դեկտեմբերի 9–ին քրեական գործ է հարուցել «Ձեռնարկությունների ինկուբատոր» հիմնադրամի դեմ Վերահսկիչ պալատի հաշվետվության հիման վրա լիազորությունների չարաշահման փաստով և ուղարկել է գործը Հայաստանի քննչական կոմիտե։

Նոյեմբերի սկզբին Հայաստանի Վերահսկիչ պալատը հրապարակել է «Ձեռնարկությունների ինկուբատոր» Հիմնադրամի գործունեության ուսումնասիրության զեկույց, որում ներկայացրել է թերացումներ և խախտումներ` Հիմնադրամի ստեղծած ընկերությունների բաժնետոմսերի, ոչ նյութական ակտիվների օտարման գործընթացների, ակտիվների գնահատման ընթացակարգի, ներկայացված վարկերի, Գյումրու և Վանաձորի տեխնոպարկերի կառավարման հարցի պետօժանդակության, ինչպես նաև բաժնետոմսերի օտարման և հայկական PicsArt, Sourcio ընկերությունների աջակցության վերաբերյալ։

Երեք վիճելի հարցեր

Ինչպես նշեց Ենգիբարյանը, Վերահսկիչ պալատի զեկույցի համաձայն, առանձնացվել են երեք հիմնական ուղղություններ, որոնք խնդրահարույց են համարվում։ Խոսքը, մասնավորապես, Sourcio ընկերությունում EIF 20 տոկոսանոց հավելաճով բաժնեմասի մասին է, հատուկ հիմնադրամից Հիմնադրամի կողմից աշխատողներին փոխառու միջոցների և Գյումրու տեխնոլոգիական կենտրոնի աշխատանքի մասին է։

Խոսելով Sourcio–ում բաժնեմասի վաճառքի մասին` նա նշեց, որ Հիմնադրամը մասնակցել է ընկերությանը բաժնեմասային ներդրումների տեսքով Համաշխարհային բանկի դրամաշնորհային պիլոտային նախագծի շրջանակում` 35 հազար դոլար ներդնելով բաժնետոմսերի 50 տոկոսում ընկերությունների հետ աշխատանքային նոր մոդելի գործարկման համար։

«Մեզ հաջողվել է ոչ միայն ստեղծել ոլորտի լավագույն ընկերություններից մեկը, որը գործում է մինչ օրս, այլ նաև վերադարձնել միջոցները 20–տոկոսանոց հավելաճով, այն դեպքում, երբ այն պահին ընկերությունն ընդամենը մեկ տարի էր, որ աշխատում էր և ուներ ընդամենը 1 մլն դրամի եկամուտ։ Սակայն Վերահսկիչ պալատը, չգիտես ինչու, այս գործարքը տարօրինակ համարեց, չնայած, որ նմանատիպ այլ նախագծերում բաժնետոմսերը վաճառվել էին զրոյական ավելցուկով»,– ասաց Ենգիբարյանը։
Ինչ վերաբերում է աշխատողներին տրամադրվող փոխառություններին, ապա, ըստ նրա, Ինկուբատորը երկար տարիների աշխատանքի ընթացքում, ինչպես շատ այլ կառույցներ, ստեղծել է իր հիմնադրամն իր աշխատողներին սոցիալական հարցերի կամ առողջական խնդիրների լուծման համար փոխառություններ տրամադրելու համար։ Բոլոր գումարները երաշխավորված 100 տոկոսով վերադարձվում են։ Նման պրակտիկան գոյություն ունեն ողջ աշխարհում և գործում է որպես սոցփաթեթ։

«Ես անձամբ նույնպես օգտվել եմ այդպիսի փոխառությունից առողջական խնդիրների լուծման համար, և այդ բոլոր միջոցները վաղուց և ամբողջովին վերադարձվել են»,– ասաց Ենգիբարյանը։
Խոսելով Գյումրու տեխնոլոգիական պարկի մասին` Հիմանդրամի ղեկավարը նշեց, որ, քանի որ պետությունը չկարողացավ ամբողջությամբ ծածկել ծախսերը, դրա կառուցման համար լրացուցիչ միջոցներ ներգրավվեցին։

«Ամենազարմանալին այն է, որ ի թիվս այլ մեղադրանքների, մեզ մեղարդրում են նրանում, որ ինկուբացիոն ժամանակահատվածում գտնվող ընկերությունները տեխնոպարկում վարձ չեն վճարում։ Դա միանգամայն բացատրելւ է, քանի որ այն ստեղծված չէ որպես վարձակալությամբ տարածքներ հանձնող բիզնես կենտրոն, այլ տարածաշրջանում բիզնեսի ստեղծմանն օժանդակելու և ընկերությունների զարգացման համար բարենպաստ պայմաններ տրամադրելու համար։ Ակսօր մենք ոչ միայն հաջողության ենք հասել, այլ նաև կարողացել ենք ապահովել կենտրոնի լրիվ բեռնում, և դրա իմաստը բիզնես կենտրոնի և ինկուբացիոն ընկերույթան գաղափարախոսությունների համադրումն է»,– ասաց Ենգիբարյանը։

ՏՏ–ն հարվածի տակ է

«Ձեռնարկությունների ինկուբատոր» հիմնադրամի ղեկավարը գոհ է նրանից, որ քննություն է կատարվելու, որը թույլ կտա պարզել բոլոր մանրամասները, սակայն մտահոգված է այսպիսի նախադեպի ազդեցությամբ ՏՏ–ոլորտի վրա ընդհանուր առմամբ։

«Նմանատիպ ազդանշանները վնասում են ամբողջ ոլորտին, ոչ միայն Ինկուբատորի գործունեությանը կամ դրանց հետ կապված նախագծերի։ Մեր արդեն մի քանի նախագծեր ժամանակավորապես սառեցված են ներդրումների համար մինչև իրավիճակի պարզվելը»,– ասաց Ենգիբարյանը։

Նա հիշեցրեց, որ հինգ տարի առաջ Հիմնադրամի գործունեության վրա ճնշում գործադրելու նման փորձ էր կատարվել, երբ Ադրբեջանի իշխանությունները բողոքի նոտա էին ուղղել Microsoft և HP կորպորացիաներին Հիմնադրամի «Համակարգիչ բոլորի համար» ծրագրի կապակցությամբ։ Մասնավորապես, ադրբեջանակն կողմը հայտարարել էր ծրագրի իրագործման հետ կապված իբր մսխումների մասին, ինչին կորպորացիաները, բավականին հստակ գնահատելով իրավիճակը, չեն արձագանքել։

«Շատ զգույշ է պետք լինել, քանի որ ոլորտը չափազանց կարևոր է, այդ թվում` ներդրումների ներգրավման և արտերկրում երկրի վարկանիշի ձևավորման տեսանկունից։ Պետք չէ նաև մոռանալ, որ սա այն ոլորտն է, որն աճում է տարեկան միջինը 33 տոկոսով, որը երկրի տնտեսության զարգացման լոկոմոտիվն է, այդ իսկ պատճառով սխալ է փորձել վարկաբեկել այսպիսի հաջողված ծրագրերն իրավաբանական ենթատեքստով»,– ասաց Ենգիբարյանը։

Արդարության սպասելիս

Հիմնադրամի ղեկավարը նշեց, որ ՎՊ բոլոր պահանջները վերաբերում էին ոչ պետական ռեսուրսների օգտագործմանը, հետևաբար, խոսքը պետական շահերի պաշտպանության մասին չէ։ Սակայն, ինչպես նշեց Ենգիբարյանը, այս մոտեցումը կարող է հանգեցնել մասնավոր ներդրողների բազմաթիվ հարցերի։ Առավել ևս, երբ բոլոր հարցերը պետք է նախապես քննարկվեին հենց Հիմնադրամի հետ, ինչը չի արվել։

«Մենք ակնկալում ենք, որ քննչական մարմինները ճիշտ և արդար որոշում կընդունեն, և չենք կասկածում նրանց պրոֆեսիոնալիզմին։ Կարծում եմ` տվյալ հարցերը, հատկապես, կապված ՏՏ ոլորտի հետ, պետք է մանրամասն ներկայացված լինեն, այդ թվում` մեր կոզմից, քանի որ խոսքը ոչ թե պարզապես մի քանի թերացման, այլ վարկանիշային լուրջ վնասի մասին է, քանի որ ընտրվել են Հիմնադրամի կողմից իրականացրած առավել հաջողված նախագծերը»,– ասաց Ենգիբարյանը։

Ենգիբարյանը միաժամանակ ասաց, որ Հիմնադրամը պատրաստ է պատասխանատվություն կրել ըստ օրենքի, եթե իրական խախտումներ հայտնաբերվեն։

«Նմանատիպ «մեղադրանքները» մեր թևերը չեն կոտրել, հակառակը, մենք այժմ լրացուցիչ պատասխանատվություն ենք զգում ոլորտի առջև և մտադիր ենք սեփական օրինակով ապացուցել, որ երկրում արդարություն կա»,– ասաց Ենգիբարյանը։ -0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
23:40
10 Մայիսի 2022
Ավարտվել է Ծառուկյանի կողմից հայտարարված Հիսուս Քրիստոսի արձանի մրցութային փուլը. հայտնի է, թե ինչ արձան կկառուցվի (ՎԻԴԵՈ)
Ավարտվել է Ծառուկյանի կողմից հայտարարված Հիսուս Քրիստոսի արձանի մրցութային փուլը. հայտնի է, թե ինչ արձան կկառուցվի. ՎԻԴԵՈ
10:32
10 Մայիսի 2022
ՀՀ ՊՆ. Ադրբեջանի ՊՆ–ն հերթական անգամ հանդես է եկել իրականության հետ կապ չունեցող հայտարարությամբ
ՀՀ ՊՆ. Ադրբեջանի ՊՆ–ն հերթական անգամ հանդես է եկել իրականության հետ կապ չունեցող հայտարարությամբ
20:30
09 Մայիսի 2022
Որպես անհետ կորած որոնվող Աննա Հակոբյանը հայտնաբերվել է
Որպես անհետ կորած որոնվող Աննա Հակոբյանը հայտնաբերվել է
12:02
09 Մայիսի 2022
14 ժամ ջուր չի լինի Երևանի 5 վարչական շրջանում, այդ թվում՝ Կենտրոնում
14 ժամ ջուր չի լինի Երևանի 5 վարչական շրջանում, այդ թվում՝ Կենտրոնում
19:20
07 Մայիսի 2022
Ադրբեջանը կրակ է բացել Սոթքի հանքավայրի ուղղությամբ, աշխատակից է վերավորվել. ընկերության ներկայացուցիչ
Ադրբեջանը կրակ է բացել Սոթքի հանքավայրի ուղղությամբ, աշխատակից է վերավորվել
18:21
07 Մայիսի 2022
Ադրբեջանը կրակ է բացել ՀՀ ԶՈւ մարտական դիրքերի ուղղությամբ
Ադրբեջանը կրակ է բացել ՀՀ ԶՈւ մարտական դիրքերի ուղղությամբ
20:36
06 Մայիսի 2022
Երևան համայնքը կառավարության աջակցությամբ ձեռք է բերում 12 մետրանոց MAN մակնիշի ավտոբուսներ. քաղաքապետ (ՖՈՏՈ)
Երևանում կգործեն 12 մետրանոց MAN մակնիշի ավտոբուսներ. ՖՈՏՈ
15:59
06 Մայիսի 2022
Տան վարկավորման ամբողջ գործընթացը` առանց բանկ գալու. առաջին անգամ Հայաստանում (ՎԻԴԵՈ)
Հարթակի միջոցով կարելի է ընտրել նոր բնակարան` ըստ ամսական վճարման չափի, գույքի տարածքի կամ այլ չափանիշների, և անցնել վարկավորման ողջ գործընթացն օնլայն` առանց բանկ գալու. ՎԻԴԵՈ
15:32
06 Մայիսի 2022
Երևանում ցուցարարները փակել են առանցքային մայրուղիներից մեկը
Երևանում ցուցարարները փակել են առանցքային մայրուղիներից մեկը
14:37
06 Մայիսի 2022
Հայրենիքում տունն այժմ պարզապես երազանք չէ. «Ռաֆֆաել» ընկերությունը գործարկում է բացառիկ նախագիծ սփյուռքահայերի համար (ՖՈՏՈ, ՎԻԴԵՈ)
Առաջին «երազանքի տունն» արդեն կառուցվում է Մասիս գյուղում, որտեղ տեղի է ունեցել հիմնարկեքի արարողությունը. ՖՈՏՈ, ՎԻԴԵՈ
13:36
06 Մայիսի 2022
Երևանում սկսվել են բախումներ ոստիկանների և ցուցարարների միջև
Երևանում սկսվել են բախումներ ոստիկանների և ցուցարարների միջև
13:01
06 Մայիսի 2022
«Դիմադրություն» շարժումը սկսել է քայլերթը Երևանում
«Դիմադրություն» շարժումը սկսել է քայլերթը Երևանում