Beeline–ն iPhone–ի վաճառք է սկսել Հայաստանում

ԵՐԵՎԱՆ, 15 սեպտեմբերի. /Նովոստի-Արմենիա/. «ԱրմենՏել» ՓԲԸ–ի (ապրանքանիշը` Beeline) գրասենյակներում մեկնարկել է iPhone 6S վաճառքը, հայտնում է ընկերության մամուլի ծառայությունը։

Ըստ հաղորդագրության, սմարթֆոնի արժեքը 369 000 դրամ է։

Հատուկ առաջարկի շրջանակում սմարթֆոն գնելու դեպքում հաճախորդը կստանա մեկ ամսով բաժանորդագրություն «Սմարթ 2500+» սակագնային փաթեթին և 10 ԳԲ ծավալով բջջային ինտերնետ, որը կարող է օգտագործել վեց ամսվա ընթացքում:

Սմարթֆոնը հնարավոր է ձեռք բերել նաև բանկից՝ տարաժամկետ վճարման պայմանով 399 000 դրամ։

«Մենք պարբերաբար հետադարձ կապ ենք հաստատում մեր բաժանորդների հետ և արձագանքներում հաճախակի հանդիպում ենք առաջարկների, որպեսզի Beeline–ը սկսի Apple սմարթֆոնների վաճառքը։ Մենք միշտ ձգտում ենք մոտ լինել մեր բաժանորդներին՝ առաջարկելով նրանց պարզ և հարմար ծառայություններ։ Ուրախ եմ տեղեկացնել, որ Beeline-ի վաճառքի և սպասարկման գրասենյակներում արդեն վաճառվում է iPhone 6S սմարթֆոնը և ընկերությունը նախատեսում է հետագայում առաջարկել iPhone 7 նոր մոդելը» - նշեց Հայաստանում Beeline-ի Գլխավոր տնօրեն Անդրեյ Պյատախինը:


Ընկերությունից նշում են, որ հավելյալ տեղեկատվություն կարելի է ստանալ www.beeline.am կայքում, «My Beeline Armenia» հավելվածի միջոցով, հաղորդագություն ուղարկելով Facebook ցանցում Beeline Armenia պաշտոնական էջին, զանգահարելով 0611 անվճար համարին կամ մոտակա Beeline-ի գրասենյակում։

«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ։ –0–