ԵՐԵՎԱՆ, 11 մայիսի. /Նովոստի Արմենիա/. «ԱրմենՏել» ՓԲԸ–ն (Beeline ապրանքանիշ) հայտարարում է Drive բջջային ինտերնետին միանալու դեպքում 100 դրամ հատուկ գնով ZTE MF65M Wi-Fi երթուղիչ տրամադրելու մասին, հայտնում է ընկերության մամուլի ծառայությունը։
Հատուկ գինը գործում է Drive 5, Drive 15 կամ Drive 40 բջջային ինտերնետի սակագնային փաթեթներին 24 ամսով բաժանորդագրվելու դեպքում:
«Wi-Fi երթուղիչը հիանալի գործիք է տանը կամ գրասենյակում անլար ինտերնետ ապահովելու համար: Բաժանորդագրվելով Beeline-ի Drive բջջային ինտերնետին` մեր հաճախորդները կստանան Wi-Fi երթուղիչ խորհրդանշական գնով և կկարողանան օգտվել ինտերնետից իրենց համակարգիչներով, նոթբուքերով, հեռախոսներով և պլանշետներով միաժամանակ: Beeline բջջային ինտերնետը դարձել է ավելի պարզ և հարմար», - նշեց Հայաստանում Beeline-ի Գլխավոր տնօրեն Անդրեյ Պյատախինը:
Բջջային ինտերնետի Drive 5, Drive 15, Drive 40 հետվճարային սակագնային փաթեթները մեկ ամսվա ընթացքում բաժանորդին տրամադրում են 5ԳԲ, 15 ԳԲ և 40 ԳԲ ծավալով գերարագ ինտերնետ, որը սպառելուց հետո ինտերնետի արագությունը կկազմի մինչև 512 Կբիտ/վրկ (Drive 5 և Drive 15 փաթեթների համար) կամ մինչև 1024 Կբիտ/վրկ (Drive 40 փաթեթի համար):
Ընկերությունից նշեցին նաև, որ պայմանագիրը 24 ամսից շուտ խզելու դեպքում բաժանորդը պետք է վճարի Wi-Fi երթուղիչի արժեքը, որը կազմում է 24 900 դրամ:
«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ։ –0–
Ծանոթացեք լուրերին առաջինն ու քննարկեք դրանք մեր Telegram-յան ալիքում
