ԵՐԵՎԱՆ, 3 օգոստոսի. /Նովոստի-Արմենիա/. «ԱրմենՏել» ընկերությունը (ապրանքանիշը` Beeline) տեղեկացնում է, որ օգոստոսի 4-ին և 5-ին ժ. 10:00-ից մինչև 22:00-ը Հյուսիսային պողոտայում գտնվող Beeline վաճառքի և սպասարկման գրասենյակի մոտակայքում կակտիվացվի պոկեմոններ գրավող Lure Module-ը:
Ընկերության հաղորդագրության համաձայն, PokemonGo նոր տարածված խաղի բոլոր սիրահարները կարող են օգտվել այս հնարավորությունից և լրացնել պոկեմոնների իրենց հավաքածուն:
«Որպես կապի նորարար օպերատոր Beeline-ը հետևում է թվային տեխնոլոգիաների աշխարհում համաշխարհային միտումներին և հաճախորդներին հաճելի անակնկալ է մատուցում: Բոլոր նրանք, ովքեր խաղում են PokemonGo` խաղ, որը հաշված օրերի ընթացքում գրավեց միլիոնավոր մարդկանց սրտերն ամբողջ աշխարհում, կարող են մոտենալ Հյուսիսային պողոտայում գտնվող մեր գրասենյակ և փորձել բռնել նոր, այդ թվում` բավականին հազվագյուտ պոկեմոնների», - նշել է Հայաստանում Beeline-ի Գլխավոր տնօրեն Անդրեյ Պյատախինը:
Բացի այդ, Beeline-ը բաժանորդներին հնարավորություն կտրամադրի բաժանորդագրվել Հայաստանում PokemonGo խաղի պաշտոնական գործարկմանը վերաբերող նորություններին` ուղարկելով GO բառն անվճար SMS-հաղորդագրության տեսքով 9090 համարին: Բաժանորդագրված բոլոր մասնակիցները Հայաստանում խաղի գործարկումից հետո Beeline-ի կողմից կստանան հատուկ մրցանակ:
«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ։ –0–
Ծանոթացեք լուրերին առաջինն ու քննարկեք դրանք մեր Telegram-յան ալիքում
