Երթևեկի կազմակերպման փոփոխություն` Բաղրամյան–Մաշտոց պողոտաների խաչմերուկում

ԵՐԵՎԱՆ, 6 սեպտեմբերի. /Նովոստի–Արմենիա/. Սեպտեմբերի 8-ից Երևան քաղաքի Բաղրամյան-Մաշտոց պողոտաների խաչմերուկում կկատարվի երթևեկության կազմակերպման փոփոխություն:

Ինչպես հայտնում է ՃՈ մամուլի ծառայությունը, փոփոխությունը կկատարվի տրանսպորտային միջոցների հապաղումներից և հնարավոր խցանումներից խուսափելու նպատակով։

«Փոփոխության արդյունքում Բաղրամյան պողոտայից Մաշտոցի պողոտայի ուղղությամբ աջ շրջադարձ կատարող տրանսպորտային միջոցները վերոնշյալ խաչմերուկի լուսացույցի լրացուցիչ սեկցիայով նշված ուղղությամբ այսուհետ կերթևեկեն անընդհատ՝ առանց արգելող ազդանշանի տակ կանգառ կատարելու»,– ասվում է հաղորդագրության մեջ։ -0-