ԵՐԵՎԱՆ, 16 ապրիլի. /Նովոստի Արմենիա/. Այս պահին Բաղրամյան պողոտայում բախում է տեղի ունենում «Քաղաքացիական պայմանագիր» կուսակցության, «Ելք» ընդդիմադիր խմբակցության ղեկավար Նիկոլ Փաշինյանի գլխավորած հանրահավաքի մասնակիցների և ոստիկանների միջև։
Ցուցարարները փորձում են ճեղքել ոստիկանական շղթան, կոտրում են պատնեշը։ Ցուցարարներից շատերը բարձրացնում են ձեռքերը վեր` ցուցադրելով, որ իրենք զինված չեն։
Նրանք շրջում են աղբամանները։ Փողոցի երկայնքով փշալար է անցկացված։ Ցուցարարները հասան ՍԴ շենքի մոտ։
Ապրիլի 13–ի երեկոյան Փաշինյանը բողոքի շուրջօրյա ակցիա է սկսում Սերժ Սարգսյանի վարչապետության դեմ։ Ակցիայի մասնակիցները փակել են Ֆրանսիայի հրապարակի շուրջ երթևեկությունը, որը կաթվածահար է արդեն երեք օր։ Երկուշաբթի առավոտից Երևանում կաթվածահար է երթևեկությունը գրեթե ողջ մեծ կենտրոնում։ Մետրոյի գնացքները կանգառներ չեն անում «Մարշալ Բաղրամյան» կայարանում։ Կառավարության շենքերի մոտ հերթապահում են ոստիկանության ջոկատներ։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում