Աշոցքի ավտոճանապարհներին բուք է. Վարդենյաց լեռնանցքը փակ է սաստիկ բքի և առատ ձյան պատճառով

ԵՐԵՎԱՆ, 25 փետրվարի./Նովոստի-Արմենիա/. Փետրվարի 25-ին՝ ժամը 9:00-ի դրությամբ, Աշոցքի, Արթիկի, Անիի, Ախուրյանի, Սևանի, Մարտունիի, Ապարանի, Սպիտակի տարածաշրջանների ավտոճանապարհներին ձյուն է տեղում, իսկ Ստեփանավանի, Թումանյանի տարածաշրջանների ավտոճանապարհներին ձնախառը անձրև։ Աշոցքի տարածաշրջանի ավտոճանապարհներին բուք է։ Այս մասին հայտնում է ՏԿԵՆ մամուլի ծառայությունը:

Սաստիկ բքի և առատ ձյան պատճառով Վարդենյաց լեռնանցքը փակ է բոլոր տեսակի տրանսպորտային միջոցների համար։ Ճանապարհաշինարարներն ավտոճանապարհներին կատարում են մաքրման և աղով, ավազով մշակման աշխատանքներ:

ՀՀ միջպետական և հանրապետական նշանակության բոլոր ավտոճանապարհները բաց են:

Վթարներից, պատահարներից և խցանումներից խուսափելու նպատակով վարորդներին խորհուրդ է տրվում երթևեկել բացառապես ձմեռային անվադողերով:-0-