Աշնանային անձրևներն են սկսվում Հայաստանում

ԵՐԵՎԱՆ, 9 սեպտեմբերի. /Նովոստի-Արմենիա/. Կարճատև անձրևներ և ամպրոպներ են կանխատեսվում Հայաստանում առաջիկա օրերին:

Ինչպես հայտնում է Հայհիդրոմետկենտրոնը, սեպտեմբերի 9-ին առանձին շրջաններում, իսկ օգոստոսի 10-11-ին` երկրի հյուսիսում երեկոյան սպասվում են անձրևներ, ամպրոպ, որոշ հատվածներում հնարավոր է կարկուտ: Սեպտեմբերի 12-13-ին սպասվում է առանց տեղումների եղանակ:

Քամին կլինի հարավ-արևմտյան 5-10 մետր վայրկյան արագությամբ, ամպրոպի ժամանակ պոռթկումները կարող են հասենլ մինչև 20 մվ-ի: Օդի ջերմաստիճանն էապես չի փոխվի:

Երևանում սեպտեմբերի 9-ի երեկոյան անձրև է սպասվում, իսկ 10-13-ին սպասվում է առանց տեղումների եղանակ: -0-