Արթուր Վանեցյանը կրկին հրավիրվել է ԱԱԾ

ԵՐԵՎԱՆ, 16 նոյեմբերի․ /Նովոստի-Արմենիա/․ ՀՀ ԱԱԾ նախկին պետ, «Հայրենիք» ընդդիմադիր կուսակցությա ղեկավար Արթուր Վանեցյանը կրկին հրավիրվել է ԱԱԾ, հայտնել է «Հայրենիք» կուսակցության խորհրդի անդամ Արսեն Բաբայանը։

«Հերթական անգամ, հանրահավաքից առաջ, Նիկոլ Փաշինյանի ցուցումով, ապօրինի հարուցված քրեական հետապնդումների շրջանակներում Արթուր Վանեցյանին հրավիրել են ԱԱԾ քննչական դեպարտամենտ, պատրվակը հարցաքննությունն է»,- գրել է Բաբայանը Facebook-յան իր էջում։

Նախօրեին Երևանի ընդհանուր իրավասության դատարանը որոշում էր կայացրել չկալանավորել Վանեցյանին՝ անօրինական ճանաչելով նրա կալանքը, իսկ ձերբակալման հայցը մերժվել էր: Նրան մեղադրանք է առաջադրվել ՀՀ ՔՕ 35-300-րդ հոդվածի 1-ին մասի (իշխանության յուրացման) և 35-305-րդ հոդվածի (պետական, քաղաքական կամ հասարակական գործչի գործունեությունը դադարեցնելու նպատակով սպանության նախապատրաստման) հատկանիշներով։

Այս քրեական գործով անցնում են նաև Հանրապետական կուսակցությաններկայացուցիչ, նախկին պատգամավոր Վահրամ Բաղդասարյանը (այսօր ազատ է արձակվել), արցախյան ազատամարտի լեգենդար հերոս, գնդապետ Աշոտ Մինասյանը, ով կալանավորվել է և ՀՅԴ անդամ Ա.Ա.–ն (ամբողջական անունը չի նշվում, խմբգր.)։

Երևանում տվյալ պահին անցկացվում է բողոքի մասշտաբային ակցիա, որը կազմակերպել են 17 ընդդիմադիր կուսակցությունները։ Նրանք պահանջում են Փաշինյանի հրաժարականը։ Քաղաքական գործիչներն ու շարքային քաղաքացիները վրդովվել են Փաշինյանի կողմից արցախյան հայտարարության ստորագրման պատճառով, որով նախատեսվում են տարածքային զգալի զիջումներ Ադրբեջանին։–0–