ARARAT Craft&Twist. կոկտեյլային «հրավառություն» Երևանում (ՖՈՏՈ, ՎԻԴԵՈ)

ԵՐԵՎԱՆ, 5 նոյեմբերի./Նովոստի–Արմենիա/. Phoenix բարը նախօրեին հյուրընկալեց ARARAT Craft & Twist թիմի բարմեններին, ովքեր բացահայտեցին լեգենդար հայկական կոնյակի նոր եզրերը, այցելուներին ներկայացնելով նոր՝ հեղինակային կոկտեյլներ։

Դա իսկական «հրավառություն» էր` բաղկացած չորս յուրօրինակ կոկտեյլներից, որոնք ստեղծվել են Երևանի լավագույն բարմենների կողմից բացառապես այս երեկոյի համար։ Craft & Twist Team Guest Bartending լի էր հեղինակային կոկտեյլներով, որոնք պատրաստել էին մայրաքաղաքի լավագույն բարմենները ARARAT կոնյակի հիմքով։

Երևանի կոնյակի գործարանի և Բարմենների հայկական ասոցիացիայի համագործակցության արդյունքում, արդեն երեք տարի անընդմեջ, իրականացվում է ARARAT Craft & Twist բարմենական մրցույթը, որը միտված է զարգացնելու բարակոկտեյլային մշակույթը և նպաստելու միքսոլոգիայի նորարական մոտեցումների ձևավորմանը։

ARARAT Craft & Twist թիմն են կազմում համանուն մրցույթի տարբեր տարիների հաղթողները՝ Դավիթ Հովհաննիսյանը, Ստեփան Աբրահամյանն ու Գոռ Ղազարյանը։ Այսպես՝ ARARAT Craft & Twist Team Guest Bartending-ի երեկոն զարդարեցին ոլորտի առաջատար մասնագետները ARARAT կոնյակի հիմքով պատրաստած հեղինակային կոկտեյլները։

«Ես, Դավիթն և Գոռը աշխատում ենք տարբեր բարերում` երբևէ միասին նույն բարի հետևում չենք աշխատել, բայց երեքիս համար մեծ պատիվ է լինել ARARAT-ի բարմենական թիմում։ Նոյեմբերի 4-ին ներկայացվելիք չորս կոկտեյլները ստեղծելիս հաշվի ենք առել ինչպես այն մարդկանց մոտեցումը, ովքեր սիրում են նորություններ, նոր զգացողություններ, այնպես էլ նրանց, ովքեր նախընտրում են հին ու բարի դասական տարբերակները», – ասաց ARARAT Craft & Twist թիմի բարմեն Ստեփան Աբրահամյանը։

Բարմենները որպես հիմք օգտագործել են ARARAT Coffee, ARARAT Ani 7 տարեկան և ARARAT Apricot խմիչքները։ Պահպանելով համահոտային երանգները՝ բարմենների կողմից մշակած հատուկ տեխնոլոգիայի կիրառմամբ պատրաստվեց նաև ոչ ալկոհոլային բաղադրությամբ կոկտեյլ՝ օգտագործելով ARARAT Apricot-ը։

«ARARAT կոնյակների հիմքով կոկտեյլները բարձր ճանաչելիություն և պահանջարկ են վայելում ARARAT-ի արտահանման շուկաներում՝ ներգրավելով ավելի երիտասարդ սպառողների և բացահայտելով լեգենդար կոնյակի բազմաշերտ էությունը մեր հին և հավատարիմ սպառողների համար», - ասաց Երևանի կոնյակի գործարանի արտահանման զարգացման մենեջեր Վարդգես Հովեյանը։

ARARAT Craft & Twist Team Guest Bartending-ը նոր առիթ է՝ միավորելու ոլորտի մասնագետներին և կոկտեյլային մշակույթի սիրահարներին։ Նախաձեռնության մեկնարկը շարունակական է լինելու և իրականացվելու է ոչ միայն Հայաստանում, այլև արտերկրում։

P.S. այս հոդվածի հեղինակը հնարավորություն ունեցավ համտեսել Hydrus ոչ ալկոհոլային կոկտեյլը, որը բաղկացած էր գոլորշիացած ARARAT Apricot–ից, դեղձի, խնձորի, արքայախնձորի, թուրինջի հյութից, մեղրի հյութից և հանքային ջրից։ Կոկտեյլը շատ թեթև է, խմվում է մեկ շնչում, իսկ ոճային ձևավորումը թույլ է տալիս կտրվել առօրյայից։ Վերջին լուսանկարում հենց այդ կոկտեյլն է։–0–