Անձրև և ամպրոպ՝ մի քանի օր շարունակ․ ներկայացնում ենք առաջիկա օրերի եղանակի կանխատեսումը (ՖՈՏՈ)

ԵՐԵՎԱՆ, 22 օգոստոսի․ /Նովոստի-Արմենիա/․ Հայպետհիդրոմետը ներկայացրել է առաջիկա օրերի եղանակի կանխատեսումը։

Այսպիսով՝ հանրապետության տարածքում օգոստոսի 22-ի ցերեկը, 23-ին ժամանակ առ ժամանակ շրջանների զգալի մասում, 24-ին առանձին շրջաններում սպասվում է անձրև և ամպրոպ, ամպրոպի ժամանակ՝ քամու ուժգնացում՝ 15-20 մ/վ արագությամբ, առանձին վայրերում հնարավոր է նաև կարկուտ: Օգոստոսի 25-27-ը սպասվում է առանց տեղումների եղանակ։

Քամին՝ հարավ-արևմտյան՝ 3-8 մ/վ:

Օդի ջերմաստիճանն օգոստոսի 22-23-ը կնվազի 11-13 աստիճանով, 24-27-ն աստիճանաբար կբարձրանա 5-8 աստիճանով:

Երևանում օգոստոսի 22-ի ցերեկը, 23-ին ժամանակ առ ժամանակ սպասվում է անձրև և ամպրոպ, ամպրոպի ժամանակ՝ քամու ուժգնացում՝ 15-20 մ/վ արագությամբ:  24-27-ը սպասվում է առանց տեղումների եղանակ:

Ստորև ներկայացնում ենք առաջիկա օրերին Երևանում սպասվող օդի ջերմաստիճանը։