ԵՐԵՎԱՆ, 6 մայիսի. /Նովոստի–Արմենիա/. Դատարանը քիչ առաջ երկու ամսով կալանավորել է analitik.am-ի տնօրենի օգնական Վարդիթեր Գիշյանին, ով մեղադրվում է շորթման մեջ, հաղորդում է pastinfo.am–ը` հղում անելով Գիշյանի պաշտպան, փաստաբան Ստեփան Ոսկանյանին։
Ոսկանյանի խոսքով` դատարանը հաշվի չի առել անգամ այն, որ կինն ունի երկուսուկես տարեկան երեխա։
Երևանում լրատվական կայքի ձերբակալված տնօրենը սենսացիոն բացահայտումներ է խոստանում>>
Փաստաբանը հայտարարել է, որ որոշումն ապօրինի է, քանի որ դատարանի կողմից հաշվի չառնվեց, որ բացակայում են հիմնավոր կասկածն ու կալանավորման հիմքերը, հաշվի չեն առնվել նաև դատարանին ներկայացված անձը բնութագրող տվյալները: Ոսկանյանը նշել է, որ անպայման բողոքարկելու է դատարանի այս որոշումը Վերաքննիչ քրեական դատարան:
Գիշյանին մեղադրանք է առաջադրվել ՀՀ քրեական օրենսգրքի 182-րդ հոդվածի 2-րդ մասի 2-րդ կետով՝ մի խումբ անձանց կողմից նախնական համաձայնությամբ շորթում, մեղադրանքը նա չի ընդունում:
Analitik.am լրատվական կայքի տնօրեն Անինա Հովհաննիսյանն ու նրա աշխատակից Վարդիթեր Գիշյանը ձերբակալվել են մայիսի 4–ին հայ պատգամավորից գումար շորթելու կասկածանքով։–0–