ԵՐԵՎԱՆ, 29 օգոստոսի. /Նովոստի-Արմենիա/. Հայաստանում գրանցվել է էլեկտրաէներգիայի աննախադեպ բարձր սպառում ամառվա սեզոնին, չորեքշաբթի լրագրողների հետ հանդիպմանն ասաց ՀՀ էներգետիկ ենթակառուցվածքների և բնական պաշարների նախարար Արթուր Գրիգորյանը:
«Հայաստանի պատմության մեջ առաջին անգամ ներքին սպառման ծավալները հասել են օրական գրեթե 1030 ՄՎտ–ի: Նման ցուցանիշներ մենք ունեցել ենք, հիմնականում, Նոր տարվա օրերին, սակայն ամառային ամիսներին նման մակարդակի սպառում երբեք չի եղել», - ասաց Գրիգորյանը:
Ըստ նրա, դա պայմանավորված է եղել, առաջին հերթին, շոգ եղանակով: Իսկ նախարարության առաջ խնդիր էր դրված՝ մատուցել հուսալի և բարձրորակ ծառայություններ:
2017 թ.-ի տվյալներով, Հայաստանում գրանցվել է էլեկտրաէներգիայի արտադրության աճ 6,1%-ով, սպառումն աճել է 4,1%-ով, իսկ արտահանման ծավալները՝ 17,1%-ով:-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում