ԵՐԵՎԱՆ, 17 հուլիսի. /Նովոստի–Արմենիա/. Ռուսաստանի պետդումայի խոսնակ Վյաչեսլավ Վոլոդինը Հայաստանի իշխանություններին առաջարկել է Հայաստանի օրենսդրությունում ամրագրել ռուսերենի պաշտանական կարգավիճակը, որպեսզի ազգային վարորդական իրավունքները Ռուսաստանի տարածքում ճանաչվեն։ Այս մանին հաղորդում է ՏԱՍՍ–ը։
Հունիսի 1-ից Ռուսաստանում ուժի մեջ է մտել երկրի տարածքում ուղևորափոխադրումների ոլորտում աշխատող անձանց կողմից օտարերկրյա վարորդական իրավունքների օգտագործման արգելքը։ Ընդ որում` հուլիսի 14-ին Պետդուման ընդունել է օրենք, որով Ղրղըզստանի, ինչպես նաև ռուսերենը որպես պաշտոնական լեզում ամրագրած այլ երկրների քաղաքացիները կարող են ՌԴ տարածքում աշխատել որպես պրոֆեսիոնալ վարորդներ` ազգային վարորդական վկայականների հիման վրա։
Загружается новость ...
"Право"
«Ես կարող եմ միայն ասել. ամրագրեք այն (ռուսերենը) որպես պաշտոնական, այդ դեպքում օրենքի դրույթը մեխանիկորեն կտարածվի նաև Հայաստանի Հանրապետության վրա»,– ասել է Վոլոդինը երկուշաբթի ՀՀ Ազգային Ժողովի նախագահ Արա Բաբլոյանի հետ հանդիպման ընթացքում, որտեղ բարձրացվել է Ռուսաստանում վարորդների` ազգային վարորդական իրավունքով աշխատելու արգելքի վերաբերյալ հարցը։
Ռուսաստանի տարածքում ազգային վարորդական իրավունքների վերաբերյալ հարցը բարձրացրել է Բաբլոյանը։ Նրա կարծիքով, Պետդումայի կողմից օրենքն ընդունելուց հետո, որով Ղրղըզստանի և ռուսերենը պաշտոնական լեզու ճանաչած պետությունների քաղաքացիները ազգային վարորդական իրավունքով աշխատելու իրավունք են ստացել, «Հայաստանի քաղաքացիները, փաստորեն, հայտնվել են «խաղից դուրս» վիճակում»։
«Երբ մենք քննարկում էինք այս հարցը, մենք ընդգծում էինք, որ այդ դրույթը տարածվում է միայն այն երկրների նկատմամբ, որտեղ դա (ռուսերենի պաշտոնական կարգավիճակը) ամրագրված է սահմանադրությամբ, ամրագրված է օրենսդրությամբ»,- իր հերթին բացատրել է Վոլոդինը։
Ղրղըզստանի Հանրապետության Սահմանադրության մեջ ամրագրված է, որ այդ երկրում ռուսերենն օգտագործվում է որպես պաշտոնական լեզու։ -0-