ԵՐԵՎԱՆ, 23 մայիսի. /Նովոստի Արմենիա/. Միացյալ Նահանգները պատրաստ են Հայաստանի հանրակրթական դպրոցներին 140 մլն դոլարի կրթական դրամաշնորհ հատկացնել` գիտության, տեխնոլոգիայի, ինժեներական գործի, արվեստի ու մաթեմատիկայի (STEAM) ոլորտների համար:
Այդ մասին նշվում է ԱՄՆ պետքարտուղար Մայքլ Պոմպեոյի նամակում, որը երեքշաբթի իր պաշտոնական էջում հրապարակել է Ամերիկայի հայ ազգային կոմիտեն:
«Հուսով ենք, որ հայկական կառավարությունն առաջընթաց կգրանցի այս տարի «Հազարամյակների մարտահրավերներ» կորպորացիայի չափանիշներին համապատասխան: Այդ դեպքում Կորպորացիայի տնօրենների խորհուրդը կկարողանա դիտարկել Հայաստանի դիմումն ամեն տարի անցկացվող ընտրություններում», - նշեց Պոմպեոն:
Загружается новость ...
"Право"
Նա նաև գոհունակություն է հայտնել Հայաստանում կայացած խաղաղ ու սահմանադրական իշխանափոխության հետ կապված, հաստատել է բարեկամական կապերը հայ ժողովուրդի հետ, խոստացել է աշխատել Հայաստանի նոր կառավարության հետ` ընդհանուր շահերն առաջ մղելու նպատակով:
Ավելի վաղ Ամերիկայի հայ ազգային կոմիտեն մի շարք հանդիպումներ է անցկացրել Սպիտակ տան ու Պետքարտուղարության պաշտոնական ներկայացուցիչների, ինչպես նաև Կոնգրեսի առաջատար ներկայացուցիչների հետ, որոնք կողմ են հանդես գալիս, որ Հայաստանին ու Վրաստանին տրամադրվի ավելի քան 75 մլն դոլար` դպրոցական ենթակառուցվածքների բարելավման, 30 մլն դոլար` STEAM կրթական նախագծերի և ավելի քան 15 մլն դոլար մասնագիտական կրթական ծրագրերի համար` տեղեկատվական տեխնոլոգիաների ոլորտում աճող պահանջարկը բավարարելու համար: Ըստ էության, դրամաշնորհը նախատեսված կլինի հինգ տարի ժամկետով ու կկառավարվի կորպորացիայի կողմից, որպեսզի օգտվելու հնարավորություն ունենան Հայաստանի բոլոր ուսանողները: -0-