ԵՐԵՎԱՆ, 15 դեկտեմբերի./Նովոստի-Արմենիա/. Ամերիկայի հայկական համագումարը դիմել է ԱՄՆ քաղաքացիներին Հայաստանին 100 միլիոն դոլար չափով արտակարգ մարդասիրական օգնության փաթեթը հատկացնելու կոչով:
Загружается новость ... "Лево"
«Խնդրեք Ձեր Կոնգրեսականին ներառել 100 միլիոն ԱՄՆ դոլարի արտակարգ մարդասիրական օգնության փաթեթը հայ ժողովրդի համար 2021թ.-ի ֆինանսական տարվա պետական-արտաքին գործառնությունների հատկացումների օրինագծի վերջնական տարբերակում»,- նշվում է ԱՀՀ-ի՝ «Նովոստի-Արմենիային» տրամադրված մամլո հաղորդագրությունում:
Ավելի վաղ, համագումարը կոչ էր արել ԱՄՆ իշխանությունների պատժամիջոցներ կիրառել Ադրբեջանի և Թուրքիայի նախագահներ Իլհամ Ալիևի և Ռեջեփ Թայիփ Էրդողանի, ինչպես նաև նրա ընտանիքի անդամների հանցավոր ռեժիմների նկատմամբ:
Ամերիկայի հայկական համագումարը, որը հիմնվել է 1972 թ-ին, հանդիսանում է ԱՄՆ հայերի ամենաազդեցիկ լոբբիստական երկու կազմակերպություններից մեկը Ամերիկայի Հայ Ազգային Կոմիտեյի հետ միասին: ԱՀՀ-ի գործունեությունն ուղղված է հայերի հասարակական խնդիրների մասին իրազեկության բարձրացումը: -0-