Ամենահամեղ փառատոնը. Գինեսի նոր ռեկորդ, 100 մետրանոց տոլմա և նրա 70 տեսակները (ՖՈՏՈ, ՎԻԴԵՈ)

ԵՐԵՎԱՆ, 19 մայիսի./Նովոստի–Արմենիա/. Արմավիրի մարզում գտնվող «Զվարթնոց» պատմամշակութային արգելոց–թանգարանի տարածքում կիրակի անցկացվեց Տոլմայի ամենամյա 9–րդ փառատոնը։

Փառատոնին, որն ուղեկցվում էր ազգային երգ ու պարով, մասնակցեցին Հայաստանում գործող ռեստորաններ, հասարակական կազմակերպություններ և հանրային սննդի կետեր։ Նրանցից յուրաքանչյուրը փորձեց զարմացնել հյուրերին նրբահամ բաղադրատոմսերով և համերի համադրությամբ, ինչն իսկապես հաջողվեց, չնայած տարվա այս ամսին ոչ բնորոշ շոգ եղանակին։ Փառատոնի հյուրերն ու մասնակիցները համտեսեցին տոլմայի ավելի քան 70 տեսակ, որոնք պատրաստված էին հայկական ազգային բաղադրատոմսերով։

Մասնակիցներ և բաղադրատոմսեր

Ինչպես նախորդ տարի Մասնակիցներ և բաղադրատոմսեր, այս տարի ևս փառատոնի մասնակիցները փորձեցին զարմացնել տոլմայի բազմաթիվ տեսակներով, որոնց թվում էին տոլմա–խորովածը, տոլման` սիգ ձկան խճողակով, տոլման` պանրի տեսականիով, տոլման` ընկույզով և մրգերով, նուգայով և շոկոլադով։ Փառատոնի մասնակիցները տոլմայի խճողակը փաթաթում էին ոչ միայն ավանդական խաղողի և կաղամբի տերևներով, այլև բալի և թուզի, լորենու և եղինջի տերևներով, խճողակը լցնում էին դդմիկի, կարտոֆիլի և սոխի մեջ։   

ՀՀ–ում Կարմիր խաչի միջազգային կոմիտեն ներկայացրեց արտակարգ պայմաններում տոլմայի պատրաստման տեխնոլոգիան։

Փառատոնի սենսացիան

Փառատոնի իսկական սենսացիան դարձավ 100 մետր երկարությամբ տոլման, որի հեղինակները գրանցեցին համաշխարհային նոր ռեկորդ։ Տոլման գրանցվեց Գինեսի ռեկորդների գրքում, ինչից հետո փառատոնի հյուրերը հնարավորություն ստացան համտեսել այն։

Փառատոնի ընթացքում մասնակիցները մրցեցին մի քանի անվանակարգերում` «Լավագույն համ», «Լավագույն գաղափար» և «Լավագույն տեսք»։

Տուրիզմի զարգացման և ավանդույթների պահպանման խթան

Ինչպես «Նովոստի–Արմենիա» գործակալությանը նշեց Տուրիզմի հայկական ֆեդերացիայի նախագահ Մեխակ Ապրեսյանը, ամենամյա փառատոնը կարևոր խթան է ոլորտի զարգացման համար։

«Փառատոնը տնտեսական զարգացման հնարավորություն է տալիս այն  համայնքներում, որտեղ անցկացվում է միջոցառումը, ինչպես նաև խթանում է այդ համայնքների ենթակառուցվածքների արդիականացումը», – ասաց նա։

«Հայ խոհարարական ավանդույթների զարգացման և պահպանման» ՀԿ-ի ղեկավար, միջոցառման կազմակերպիչ ՍեդրակՄամուլյանն իր հերթին հիշեցրեց, որ փառատոնի գլխավոր նպատակն է հանրայնացնել ազգային խոհանոցը։

«Մեր երկրորդ նպատակն է դարձնել երկիրն ավելի գրավիչ օտարերկրյա զբոսաշրջիկների համար», – նշեց նա։