Աջ ղեկով մեքենաներ և կառավարության կառուցվածք. պատգամավորներին բուռն քննարկումներ են սպասվում

ԵՐԵՎԱՆ, 7 մարտի./Նովոստի–Արմենիա/. ՀՀ կառավարությունը հինգշաբթի նիստի ժամանակ որոշում ընդունեց գումարել ԱԺ արտահերթ նիստ` մի շարք հրատապ օրենսդրական փոփոխություններ քննարկելու համար։ 

Առաջարկվում է նիստը գումարել մարտի 13–ին ժամը 12։00–ին «Աջ ղեկով տրանսպորտային միջոցների ներկրման արգելքի մասին» օրենքում նախատեսված փոփոխությունները քննարկելու համար։

Պատգամավորները կքննարկեն նաև կառավարության կառուցվածքի աղմկահարույց փոփոխությունները, որոնցով նախատեսվում է կրճատել նախարարությունների թիվը` 17–ից դարձնելով 12։ Խորհրդարանականները կքննարկեն նաև հակակոռուպցիոն ռազմավարության իրականացման հետ կապված օրինագծերը։–0–