ԵՐԵՎԱՆ, 5 մայիսի. /Նովոստի-Արմենիա/. Հայաստանը նախապես կիրազեկի ԵԱՀԿ Մինսկի խմբի համանախագահներին Երևանի կողմից Լեռնային Ղարաբաղի Հանրապետությունը ճանաչելու դեպքում, ասվում է հայկական արտաքին քաղաքական գերատեսչության հայտարարությունում։
«Որպես կանխատեսելի և հուսալի գործընկեր` այդպիսի կարևոր որոշում ընդունելու դեպքում Հայաստանի Հանրապետության նախագահը նախապես կիրազեկի իր գործընկերներին, նախևառաջ, ԵԱՀԿ Մինսկի խմբի համանախագահ երկրների ղեկավարներին»,– նշեցին ԱԳՆ–ից։
Հայաստանի դիվանագիտական գերատեսչությունում անպատեհ համարեցին Լեռնային Ղարաբաղի Հանրապետության ճանաչման հարցում Ազգային ժողովի երկու պատգամավորների նախաձեռնության վերաբերյալ կառավարության եզրակացության շուրջ ասեկոսները։
«Կառավարության եզրակացությունը չի նշանակում չհամաձայնություն այդ նախաձեռնության հետ։ Հայաստանը բազմիցս հստակա հայտարարել է, թե որ դեպքում կճանաչի Լեռնային Ղարաբաղի Հանրապետությունը»,– ասվում է փաստաթղթում։
հինգշաբթի կառավարությունը ներկայացրել է Լեռնային Ղարաբաղի ճանաչման` ընդդիմադիր պատգամավորներ Զարուհի Փոստանջյանի և Հրանտ Բագրատյանի մշակած օրինագծի վերաբերյալ եզրակացությունը։ Միաժամանակ որոշ ԶԼՄ–ներ հայտնել էին, որ նախարարների կաբինետը հավանություն է տվել հենց փաստաթղթին։
Հայկական ԱԳՆ–ում հույս են հայտնել, որ Ադրբեջանը խելամիտ կգտնվի և զերծ կմնա ապրիլի սկզբին իր նախաձեռնած արկածախնդրության կրկնությունից։
«Միայն գիտակցելով ղարաբաղյան խաղաղ կարգավորման այլընտրանքի բացակայությունը` կարելի է գործընթացը վերադարձնել բանակցային հուն և գտնել Լեռնային Ղարաբաղի ժողովրդի ինքնորոշման իրավունքի լիարժեք իրականացման արդյունավետ ուղի»,– ասվում է հաղորդման մեջ։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
