ԵՐԵՎԱՆ, 13 մայիսի./Նովոստի-Արմենիա/. Ադրբեջանական ԶՈՒ-երը կրակել են Տավուշի մարզի Բերքաբեր գյուղի ուղղությամբ: Այս մասին իր Facebook-յան էջում հայտնել է ՊՆ մամուլի քարտուղար Շուշան Ստեփանյանը:
Загружается новость ... "Лево"
«Այսօր՝ մայիսի 13-ին, ժամը 14:00-ին ադրբեջանական մարտական հենակետերից խոշոր տրամաչափի զենքերից կրակել են Տավուշի մարզի Բերքաբեր գյուղի ուղղությամբ, ինչի հետևանքով վնասվել են բնակելի տներ»,- նշել է նա:
Խոսնակը նաև հայտնել է, որ հակառակորդի կրակետերի ուղղությամբ հայ դիրքապահների ձեռնարկած համապատասխան գործողությունների արդյունքում հակառակորդը լռեցվել է։-0-