ԵՐԵՎԱՆ, 14 դեկտեմբերի. /Նովոստի–Արմենիա/. «Նովոստի-Արմենիա» գործակալությունն իրեն դրսևորել է որպես հուսալի, հավաստի և պատասխանատու տեղեկատվության աղբյուր, ասված է գործակալության 10-ամյակին նվիրված ՎՏԲ (Հայաստան) բանկի գլխավոր տնօրեն, խորհրդի նախագահ Յուրի Գուսևի շնորհավորական նամակում:
«Նովոստի–Արմենիա» գործակալությունը մեջբերումների առումով մշտապես առաջնորդում է հայկական զլմների շրջանում, որը նվիրված կորպորատիվ աշխատանքի և պրոֆեսիոնալ թիմի արդյունք է: Այսօրվա տարատեսակ տեղեկատվությամբ հագեցված դարում, մեզ` բոլորիս անհրաժեշտ է իսկապես օբյեկտիվ, ճշգրտված և ստուգված ռեսուրս, ինչպիսին է «Նովոստի–Արմենիա» գործակալությունը: Բարձր պրոֆեսիոնալիզմի, արդարացի որոշումներ կայացնելու կարողության և բիզնեսի արդյունավետ կառավարման շնորհիվ դուք, չնայած ճանապարհին հանդիպած դժվարություններին, կարողացել եք Հայաստանի մեդիադաշտում զբաղեցնել և պահպանել ձեզ արժանի նշաձողը»,-ասված է ուղերձում:
Գուսևը ՎՏԲ (Հայաստան) բանկի անունից երախտագիտություն է հայտնել «Նովոստի–Արմենիա» գործակալությունը` փոխըմբռնման և վստահության վրա հիմնված արդյունավետ համագործակցության համար:
«Պրոֆեսիոնալների հետ փոխգործակցությունը` դա գնահատելի փորձ է հաջողության գրավական ցանկացած գործում: Հուսով եմ, գործնական ամրապնդման վրա հիմնված մեր բարեկամական հարաբերությունները կշարունակվեն առաջիկայում ևս»
«Նովոստի–Արմենիա» գործակալությունը մեջբերմամբ կայուն, առաջատար դիրքեր է զբաղեցնում արտասահմանյան ԶԼՄ–ներում` լինելով Հայաստանից ստացվող հավաստի և օպերատիվ տեղեկատվության հուսալի աղբյուր։
Հիմա
www.newsarmenia.am գործակալության կայքում ամսական դիտումների թիվը գերազանցում է 500 հազարը, ընդ որում` դրանց կեսը բաժին է ընկնում Հայաստանի ընթերցողներին։
ԱՄԻ «Նովոստի–Արմենիա» գործակալությունը (
www.newsarmenia.am) 1996 թվականի մայիսի 1–ից գործող «ԱՌԿԱ» հեղինակավոր մեդիահոլդինգի մի մասն է։ Այսօր «ԱՌԿԱ» մեդիահոլդինգի կազմում են նաև`
www.telecom.arka.am և բարձր տեխնոլոգիաների պորտալը,
www.armbanks.am ֆինանսաբանկային պորտալը,
www.finstore.am գործարար տեղեկատվության ինտերնետ–խանութը, Adnet.am գովազդային ցանցը, ԱՌԿԱ Style կայքը և MediaGid.am լրատվական ագրեգատորը։ -0-
