ԵՐԵՎԱՆ, 11 դեկտեմբերի. /Նովոստի–Արմենիա/. Սահմանադրության հանրաքվեի արդյունքների դեմ ընդդիմադիր ակցիայի մասնակիցները, ովքեր նախօրեին վարչական բերման էին ենթարկվել, ազատ են արձակվել, «Նովոստի–Արմենիա» գործակալությանը հայտնեցին Ոստիկանության մամուլի ծառայությունից։
«Նրանք բերման էին ենթարկվել վարչական իրավախախտումների համար։ Բայց երեկոյան նրանց ազատ են արձակել»,– ասաց Ոստիկանության ներկայացուցիչը։
Ընդդիմադիր շարժման մասնակիցները պահանջում են անվավեր հայտարարել հանրաքվեի արդյունքները, ինչպես նաև արտահերթ խորհրդարանական և նախագահական ընտրություններ նշանակել։ Նախօրեի երեկոյան հանրահավաքի ակտիվիստներն ակտիվ աշխատանք են տանում երիտասարդ համախոհների շրջանում՝ վրաններ տեղադրելով, քաղաքացիական անհնազանդության քողի տակ հասարակական կարգը խախտող խմբային գործողություններ կատարելով փորձում էին սադրել հավաքի մասնակիցների նկատմամբ ոստիկանական ուժի գործադրում: Սակայն ոստիկանության աշխատողները կանխել են նրանց գործողությունները, ինչից հետո քաշքշուկ է տեղի ունեցել։ Այնուհետև ակտիվիստները շարժվել են դեպի Հայաստանի ԿԸՀ շենք։
Խորհրդարանական իշխանավարման անցում նախատեսող սահմանադրական բարեփոխումների հանրաքվեն անցկացվել է դեկտեմբերի 6–ին Հայաստանում։ ԿԸՀ նախնական տվյալներով, սահմանադրական փոփոխություններին կողմ է քվեարկել ընտրողների 63.35 տոկոսը, «դեմ»` 32.35 տոկոսը։
Ընդդիմությունը հայտարարում է քվեարկության ընթացքում տեղ գտած բազմաթիվ կեղծումների մասին, իշխանությունները նշում են, որ խախտումները չեն կարող ազդել վերջնական արդյունքների վրա։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
