Զերծ մնալ սոցհարթակներում «Ֆանտաստիկ արժեքով գումարներ փոխանակելու» առաջարկներից․ դատախազություն

15.01.2025, 15:39
Տարբեր անձինք տարբեր առևտրային կենտրոններում քաղաքացիներից խաբեությամբ վերցնում են նրանց գումարներն ու հափշտակում
Զերծ մնալ սոցհարթակներում «Ֆանտաստիկ արժեքով գումարներ փոխանակելու» առաջարկներից․ դատախազություն

ԵՐԵՎԱՆ, 15 հունվարի․/Նովոստի–Արմենիա/․ Համացանցի «Facebook», «Telegram» և սոցիալական այլ հարթակներում տարածվում են «Գումարի փոխանակում ֆանտաստիկ արժեքով», «ՀՀ դրամը ՌԴ ռուբլիով բարձր փոխարժեքով փոխելու» և նմանօրինակ բովանդակությամբ հայտարարություններ, որոնց արձագանքելով՝ քաղաքացիները դառնում են հանցագործության զոհ, հաղորդում է ՀՀ գլխավոր դատախազությունը։

 Վերոնշյալ առաջարկներից օգտվելու դեպքում տարբեր անձինք տարբեր առևտրային կենտրոններում քաղաքացիներից խաբեությամբ վերցնում են նրանց գումարներն ու հափշտակում:

 Հանցագործության զոհ չդառնալու համար Հայաստանի Հանրապետության դատախազությունը հորդորում է քաղաքացիներին գումարների փոխանակումն իրականացնել օրինական կարգով՝ նման գործունեությամբ զբաղվող ընկերությունների միջոցով: