Ընդհուպ մինչև ապրանքի բռնագրավում. Երևանում խստացվում է փողոցային առևտրի դեմ պայքարը (ՎԻԴԵՈ)

ԵՐԵՎԱՆ, 13 հունիսի./Նովոստի-Արմենիա/. Բացօթյա վայրերում չթույլատրված առևտրի դեմ քաղաքային իշխանությունը պայքարում է տարիներ շարունակ:

2019-2022թթ. կազմվել է 3583 արձանագրություն՝ 80.000.000 դրամ տուգանքի չափով, բայց վճարվել կեսից էլ քիչը, հայտնում է Երևանի քաղաքապետարանը:

Այժմ շրջանառության մեջ է դրված նոր օրինագիծ՝ վաճառվող ապրանքը բռնագրավելու մասին:

Երևանի քաղաքապետի տեղակալ Սուրեն Գրիգորյանը պարզաբանում է՝ քաղաքապետարանը օրինախախտներին զգուշացնում է, տուգանում, սակայն ժամեր անց առևտրականները կրկին փողոց են դուրս գալիս: Փոխքաղաքապետն ընդգծում է՝ ապրանքի բռնագրավումը ծայրահեղ քայլ է, սակայն խնդրի լուծման միակ գործուն միջոցն է:-0-