Երևանում ոստիկանները քաշքշելով բերման են ենթարկել մի կնոջ` դիմակ չկրելու համար. ոստիկանությունն արձագանքել է (ՎԻԴԵՈ)

ԵՐԵՎԱՆ, 16 սեպտեմբերի./Նովոստի–Արմենիա/. Երևանի Մալաթիա-Սեբաստիա համայնքում ոստիկանները քաշքշոցով բերման են ենթարկել մի կնոջ դիմակ չկրելու համար:

Տեսանյութից երևում է, որ որ կինը պնդում էր, թե ինքը դիմակ կրել է:

Հավաքված քաղաքացիները փորձում էին միջամտել, բայց ի վերջո ոստիկանները կնոջը նստեցրին ոստիկանական մեքենա ու տարան բաժին:


Միջադեպին արձագանքել է ոստիկանության մամուլի ծառայությունը։

Ինչպես նշվում է գերատեսչության տածած հաղորդագրության մեջ, սեպտեմբերի 15-ին Մալաթիա-Սեբաստիա համայնքի Րաֆֆու փողոցում ոստիկանների մասնակցությամբ տեղի ունեցած միջադեպի կապակցությամբ ոստիկանության պետի հանձնարարությամբ անմիջապես սկսվել է ծառայողական քննություն, որի արդյունքների մասին կտեղեկացվի հանրությանը:

«Ոստիկանությունը միշտ հետևողական է եղել նման երևույթները կանխելու և բացառելու հարցում և այսուհետ էլ ամենայն խստությամբ է արձագանքելու այդպիսի ցանկացած դրսևորման, որ կարող է խաթարել ոստիկանություն-հասարակություն կապի և օրինականության ամրապնդման գործընթացը», – նշվում է ոստիկանության հաղորդագրության մեջ:–0–