Երևանում տրանսպորտային կոլապսը լուծվում է, ավտոբուսները քիչ անց դուրս կգան երթուղի. քաղաքապետարան

ԵՐԵՎԱՆ, 12 մայիսի./Նովոստի–Արմենիա/. «Երևանի ավտոբուս» ՓԲԸ-ի դիզվառելիքի մատակարարման խնդիրը այս պահին լուծվում է, մատակարարումը վերսկսվել է: Այս մասին հայտնել է Երևանի քաղաքապետարանի մամուլի խոսնակ Հակոբ Կարապետյանը։

«Ընկերությանը պատկանող ավտոբուսները սկսել են լիցքավորվել և կարճ ժամանակ անց դուրս կգան երթուղի: Կրկին հայցում ենք երևանցիների ներողամտությունը՝ առաջացած անհարմարության համար», – նշել է Կարապետյանը Facebook–յան իր էջում:

Հիշեցնենք, որ առավոտյան իսկական տրանսպորտային կոլապս էր Երևանում։ Քաղաքացիները պարզապես չէին կարողանում հասնել աշխատանքի վայր, քանի որ ավտոբուսներ չկային։ Ավտոբուսների վարորդների խոսքերով, նրանց դիզ. վառելիք չի տրամադրվել, հետևաբար` երթուղի դուրս գալ չեն կարող։–0–