Երևանում նոր ճանապարհներ կկառուցվեն. դրանք կբեռնաթափեն Մյասնիկյան պողոտան և Արմենակյան փողոցը (ՎԻԴԵՈ)

ԵՐԵՎԱՆ, 8 փետրվարի./Նովոստի–Արմենիա/. Երևանի փոխքաղաքապետ Տիգրան Ավինյանը հայտնել է, որ այս տարի Երևանում մեկնարկելու է ճանապարհաշինական երկու նախագիծ։

«Այս տարի մեկնարկող ճանապարհաշինական այս 2 նախագծերը կոչված են բեռնաթափելու Մյասնիկյան պողոտան և Արմենակյան փողոցը: Նոր ճանապարհներն իրապես կգնահատեն մեր վարորդ քաղաքացիները, ովքեր կունենան Նոր Նորք և Նորք-Մարաշ վարչական շրջաններից դեպի Կենտրոն երթևեկելու այլընտրանքային ճանապարհներ», – նշել է նա Facebook–յան իր էջում:–0–