Երևանում և Աբովյանում դղրդյուն է լսվել . ՊՆ–ից հայտնեցին, որ ՀՕՊ–ն է աշխատել

ԵՐԵՎԱՆ, 1 հոկտեմբերի./Նովոստի–Արմենիա/. Երևանի և Կոտայքի մարզի Աբովյան քաղաքի բնակիչները մի քանի րոպե առաջ լսել են տարօրինա դղրդյուն երկնքում, որը կրկնվել է երկու անգամ։
Աբովյանում մարդիկ դուրս են եկել տներից, Երևանում դղրդյունը լսվել է քաղաքի հյուսիսային հատվածներում։
«ՀՕՊ–ն է աշխատում, հանգիստ եղեք», – գրել է ՀՀ ՊՆ ներկայացուցիչ Արծրուն Հովհաննիսյանը Facebook–յան իր էջում։
«Ժողովուրդ ջան ՀՕՊ-ի հրթիռները երբեմն մեծ աղմուկ են հանում, մի անհանգստացեք», – ավելացրել է նա մի քանի րոպեներ անց։–0–