Երևանում 6–րդ հարկից ընկած 2,5 տարեկան փոքրիկն անգիտակից վիճակում հոսպիտալացվել է. այժմ հետազոտվում է

ԵՐԵՎԱՆ, 5 սեպտեմբերի./Նովոստի–Արմենիա/. Այսօր առավոտյան Երևանի Թումանյան փողոցի շենքերից մեկի 6–րդ հարկից ընկած 2,5 տարեկան երեխան հոսպիտալացվել է «Սուրբ Աստվածամայր» ԲԿ։ 

Ինչպես Facebook–յան իր էջում նշել է ԲԿ–ի մամուլի քարտուղար Գևորգ Դերձյանը, երեխան անգիտակից վիճակով տեղափոխվել է «Սուրբ Աստվածամայր» ԲԿ-ի վերակենդանացման բաժանմունք: Այժմ հետազոտվում է: 

«Երեխայի առողջության մասին հետազոտումից հետո կտրվի լրացուցիչ տեղեկություն», – նշվում է Դերձյանի գրառման մեջ: 

Հիշեցնենք, որ սեպտեմբերի 5-ին, ժամը 10:32-ին Երևանի Թումանյան 32 հասցեում գտնվող շենքի բակում նկատել են 2.5 տարեկան տղա երեխայի, ով, ըստ նախնական տվյալների, ընկել է նույն շենքի 6-րդ հարկից:–0–