Երևանի կենտրոնում ապօրինի սըճարան է ապամոնտաժվել (ՎԻԴԵՈ)
11:01
28 Հունիսի 2022
ԵՐԵՎԱՆ, 28 հունիսի./Նովոստի–Արմենիա/. Կենտրոն վարչական շրջանում ապամոնտաժվել է ինքնակամ կառուցված սրճարան։
Երևանի քաղաքապետարանի համապատասխան ծառայությունների և Կենտրոն վարչական շրջանի ղեկավարի աշխատակազմի համագործակցությամբ Կենտրոն վարչական շրջանի «Օղակաձև զբոսայգու» 2-րդ հատվածում՝ մետրոյի «Երիտասարդական» կայարանի անմիջական հարևանությամբ, ապամոնտաժվել է ինքնակամ կառուցված սրճարան, նշվում է քաղաքապետարանի Facebook–յան էջում:
Ընդ որում, տնտեսվարողը մի քանի անգամ զգուշացվել է կառույցը սեփական նախաձեռնությամբ քանդելու անհրաժեշտության մասին, ավելին՝ տրվել էին խելամիտ ժամկետներ, որոնք քաղաքացու կողմից անտեսվել են:
Քաղաքապետարանից ևս մեկ անգամ հիշեցնում են, որ համայնքային սեփականություն հանդիսացող հողամասում ապօրինի կառուցապատման ցանկացած փորձ դատապարտված է լինելու նույն ճակատագրին։–0–