Երևանի կենտրոն համայնքի գազամատակարարումը դադարեցվել է․ հայտնի են վերականգնման ժամկետները

ԵՐԵՎԱՆ, 12 օգոստոսի․ /Նովոստի-Արմենիա/․ «Գազպրոմ Արմենիա» ՓԲԸ-ն տեղեկացնում է, որ վթարավերականգնման աշխատանքներ իրականացնելու նպատակով օգոստոսի 12-ին ժամը 10.00-ից դադարեցվել է Երևան քաղաքի Կենտրոն վարչական շրջանի Տերյան, Իսահակյան, Մաշտոց, Պուշկին, Աբովյան, Սայաթ-Նովա, Խանջյան, Նալբանդյան, Հերացի, Կորյուն փողոցներով պարփակված թաղամասերի գազասպառողների գազամատակարարումը: Այս մասին ասվում է ընկերության Facebook-յան էջում

Օգոստոսի 12-ին ժամը 18.00-ից մինչև ժամը 19.00-ն ընկած ժամանակահատվածում կվերականգնվի Կենտրոն վարչական շրջանի Տերյան, Իսահակյան, Մաշտոց, Պուշկին, Աբովյան, Սայաթ-Նովա, Խանջյան, Նալբանդյան փողոցներով պարփակված թաղամասերի, իսկ օգոստոսի 13-ին ժամը 19.00-ից մինչև ժամը 20.00-ն՝ Հերացի, Աբովյան, Կորյուն փողոցներով պարփակված թաղամասերի գազասպառողների գազամատակարարումը:-0-