ԵՐԵՎԱՆ, 1 նոյեմբերի./Նովոստի–Արմենիա/. ՀՀ ճանապարհային ոստիկանությունը հաղորդում է, որ տրանսպորտային միջոցների երթևեկության և հետիոտնային շարժի բարելավման նպատակով 2019թ. նոյեմբերի 1-ից Երևան քաղաքի Մայիսի 9-ի և Արագածի փողոցների խաչմերուկում կկատարվի երթևեկության կազմակերպման փոփոխություն:
«Փոփոխության արդյունքում նշված խաչմերուկում կփոխվի գլխավոր ճանապարհի ուղղությունը և միաժամանակ խաչմերուկում կկազմակերպվեն հետիոտնային անցումներ», – նշվում է հաղորդագրության մեջ:–0–