Երևան–Սևան մայրուղու որոշ հատվածի երթևեկը ժամանակավորապես կսահմանափակվի

ԵՐԵՎԱՆ, 7 սեպտեմբերի./Նովոստի–Արմենիա/. Երևան-Սևան ավտոմայրուղու (Մ-4 ավտոճանապարհի Արզնու խճուղուց մոտ 1 կմ հեռավորությամբ) 2/7 հասցեում գտնվող հողատարածքի վրա պայթեցման եղանակով ժայռաբեկորների քանդման աշխատանքներ իրականացնելու նպատակով սեպտեմբերի 8-ին՝ ժամը 16.50-ից մինչև 17.10‚ սահմանափակվելու է Երևան-Սևան ավտոճանապարհի Արզնու խճուղուց մինչև մեկ կմ հեռավորությամբ տարածքի երթևեկությունը, հաղորդում է ՀՀ տարածքային կառավարման և ենթակառուցվածքների նախարարության
Հասարակայնության հետ կապերի բաժինը:


Նախարարությունը հայցում է վարորդների ներողամտությունը պատճառվող անհանգստության համար։–0–