ԵՐԵՎԱՆ, 12 նոյեմբերի./Նովոստի–Արմենիա/. ՀՀ ոստիկանությունը, ավելորդ ուժեր բերելով Ազատության հրապարակ, արգելեց «Սասնա ծռեր» շարժմանը կազմակերպել երթ Երևանում։
Загружается новость ... "Лево"
Ավելի վաղ հանրահավաքի կազմակերպիչները հայտարարել էին, որ մտադիր են երթ կազմակերպել` ՀՀ–ում Ֆրանսիայի դեսպանին նամակ հանձնելու նպատակով ստեղծված իրավիճակից ելքեր փնտրելու հարցով։ Սակայն ոստիկանության արգելքից հետո հրաժարվեցին իրենց մտադրությունից։
Այդուհանդերձ ինչ–որ պահի իրավիճակը դուրս եկավ վերահսկողությունից և սկսեցին մարդկանց զանգվածաբար բերման ենթարկել։
Նոյեմբերի 11–ին Ազատության հրապարակում մեկնարկել է 17 ընդդիմադիր կուսակցությունների հանրահավաքը, որը շարունակվել է կառավարության և Ազգային ժողովի շենքերի մոտ։ Հանրահավաքի նպատակն է հասնել ՀՀ վարչապետ Նիկոլ Փաշինյանի հրաժարականի` ի նշան Արցախի հարցով հայտարարության ստորագրման դեմ բողոքի, որով նախատեսվում են զգալի տարածքային զիջումներ Ադրբեջանին։ Ավելի վաղ ՀՀ ոստիկանությունը հորդորել էր զերծ մնալ հավաքներ և հանրային միջոցառումներ կազմակերպելուց, անցկացնելուց և դրանց մասնակցելուց` հիշեցնելով, որ սեպտեմբերի 27-ին ՀՀ-ում հայտարարվել է ռազմական դրություն, որի պայմաններում արգելվում են հավաքներ և հանրային միջոցառումներ կազմակերպելը, անցկացնելն ու մասնակցելը։ Բերման է ենթարկվել մոտ 130 մարդ։ ՀՔԾ–ն հայտարարեց, որ հարուցվել է քրեական գործ «Զանգվածային անկարգություններ» հոդվածով։–0–