Ո՞ր ոլորտներին է վերաբերում հոկտեմբերի 1-ից պատվաստվելու կամ ՊՇՌ թեստ ներկայացնելու պահանջը. ԱՆ–ն պարզաբանում է

ԵՐԵՎԱՆ, 9 սեպտեմբերի./Նովոստի–Արմենիա/. ՀՀ առողջապահության նախարարությունը հարցուպատասխանի ձևաչափով պատասխանել է այն հարցին, թե ո՞ր ոլորտներին են վերաբերում Առողջապահության նախարարի 2021 թվականի օգոստոսի 20-ի թիվ 65-Ն հրամանով սահմանված փոփոխությունները, որոնք նախատեսում են հոկտեմբերի 1-ից պատվաստվելու կամ ՊՇՌ թեստ ներկայացնելու պահանջը: 

– պետական կառավարման և տեղական ինքնակառավարման մարմինների, 

– փակ արտադրական տարածքների, 

– գրասենյակային գործունեություն իրականացնող կազմակերպությունների, 

– շինարարական հրապարակների, 

– առևտրի իրականացման վայրերի, 

– մեծածախ և մանրածախ առևտրի օբյեկտների, 

–հանրային սննդի օբյեկտների, 

– hյուրանոցային տնտեսության օբյեկտների, 

– բժշկական օգնություն և սպասարկում իրականացնող կազմակերպությունների, 

– սպորտային գործունեություն իրականացնող կազմակերպությունների, 

– վարսավիրանոցների, գեղեցկության սրահների կամ համանման ծառայություններ մատուցող կազմակերպությունների, 

– հանքագործական արդյունաբերության և բացահանքերի, 

–նախադպրոցական կրթության ոլորտի կազմակերպությունների, 

–ցամաքային ուղևորատար տրանսպորտի,

– տնտեսական գործունեության այլ տեսակներ իրականացնող կազմակերպությունների, 

– սոցիալական սպասարկում իրականացնող կազմակերպությունների, 

– նախնական մասնագիտական (արհեստագործական), միջին, բարձրագույն և հետբուհական մասնագիտական կրթական ծրագրեր իրականացնող ուսումնական հաստատությունների, 

– արտադպրոցական դաստիարակության և լրացուցիչ կրթության ոլորտում գործունեություն իրականացնող ուսումնական հաստատությունների, 

– գրադարանների, թանգարանների, թատերահամերգային, կինոյի և այլ մշակութային կազմակերպությունների, 

– օդային ուղևորափոխադրումների և օդանավակայանների, մարզադպրոցների, դեղատների, հանրակրթական ուսումնական հաստատությունների աշխատակիցների համար: 

Նշենք, որ հոկտեմբերի 1–ից Հայաստանում ներդրվում է պահանջ, ըստ որի` աշխատողները պետք է 14 օրը մեկ գործատուին ներկայացնեն ՊՇՌ թեստի արդյունքը, կամ պատվաստվեն, հակառակ դեպքում գործատուն կտուգանվի, նա նաև իրավունքի ունի աշխատանքից ազատել աշխատողին։–0–