530.17
7.45
476.34
+9
Եղանակը Երևանում
Հայ

Ողբերգական ՃՏՊ–ների հետքերով. Փաշինյանը հանձնարարել է ձեռնարկել ամենակոշտ միջոցները կարգազանց վարորդների նկատմամբ (ՎԻԴԵՈ)

13:17
11 Հուլիսի 2019

ԵՐԵՎԱՆ, 11 հուլիսի./Նովոստի–Արմենիա/. ՀՀ վարչապետ Նիկոլ Փաշինյանը հինգշաբթի կառավարության նիստից առաջ անդրադարձել է օրերս գրանցված ողբերգական ՃՏՊ–ներին, որոնց հետևանքով ՀՀ քաղաքացիներ են մահացել։

2019 թվականի հուլիսի 6-ին՝ժամը 15:00-ի սահմաններում, Երևան-Մեղրի ավտոճանապարհի 54-րդ կիլոմետրի հատվածում՝ Արարատի մարզի Արարատ քաղաքի ՈԿՖ Բանավանի կամրջի վրա, միմյանց են բախվել «ԳԱԶԵԼ», «Տոյոտա Հիլուքս» և «ՎԱԶ 21063» մակնիշի ավտոմեքենաները, ինչի հետևանքով հրդեհ է բռնկվել «ԳԱԶԵԼ» մակնիշի ավտոմեքենայում, այնուհետև հրդեհը տարածվել է «Տոյոտա Հիլուքս» մակնիշի և «ՎԱԶ 21063» մակնիշի ավտոմեքենաներում, ինչի հետևանքով ստացած այրվածքներից «ԳԱԶԵԼ» մակնիշի ավտոմեքենայի վարորդը և վերջինիս հինգ ուղևորները տեղում մահացել են, «ԳԱԶԵԼ»-ում գտնվող մյուս ուղևորները, ինչպես նաև «Տոյոտա Հիլուքս» մակնիշի ավտոմեքենայի վարորդը և ուղևորները՝ ընդհանուր թվով 11 մարդ, մարմնական տարբեր վնասվածքներով տեղափոխվել բժշկական կենտրոններ: Ավելի ուշ մահացել է «ԳԱԶԵԼ»–ի ևս մեկ ուղևորուհի։

Հուլիսի 7-ին, ժամը 08:10-ին Վրաստանի ՆԳՆ ԱԻ դեպարտամենտից տեղեկություն է ստացվել, որ ժամը 06։00-ի սահմաններում Թբիլիսի-Սենակ-Լեսելիձե ավտոճանապարհի 100-րդ կմ-ին «Mercedes» մակնիշի ավտոմեքենան (վարորդ՝ Ա.Մ., 1977 թ.) բախվել է արգելապատնեշին և բռնկվել։ Մեքենայում եղել է Հայաստանի 8 քաղաքացի։ Կինն ու երկու անչափահասներ տեղում մահացել են։ Հինգ քաղաքացի հոսպիտալացվել է տարբեր աստիճանի մարմնական վնասվածքներով:

«Բոլորդ գիտեք, որ ոստիկանությունում նոր օրենքի նախագիծ է մշակվել, որի հիմնական նպատակը կարգազանց վարորդներին ընդհանրապես երթևեկությունից հեռացնելն է։ Այսինքն այն վարորդները, ովքեր պարբերաբար և չարամիտ խախտումներ են թույլ տալիս, պետք է երթևեկությունից ընդհանրապես հեռացվեն։ Նախագիծն Ազգային ժողովում է, և կարծում եմ` մենք Ազգային ժողովի հետ պետք է քննարկենք, թե ինչ ժամկետներում կարող ենք հնարավորինս շուտ այդ նախագիծն ընդունել», – նշեց ՀՀ վարչապետը։

Փաշինյանը նաև ասաց, որ անհրաժեշտ է քաղաքացիներին հնարավորություն ընձեռել համապատասխան ծրագրային ապահովման միջոցով երթևեկության կոպիտ խախտումներն արձանագրել և ուղարկել ոստիկանություն։

Դիմելով Հայաստանի ոստիկանապետ Վալերիյ Օսիպյանին` Փաշինյանը նշեց, որ պետք է կրկնակի–եռակի ուժեղացնել ճանապարհային երթևեկության վերահսկողությունը, և ոստիկանությունը պետք է ձեռնարկի ամենակոշտ միջոցները կարգազանց վարորդների նկատմամբ։

«Վերջին դեպքերը ցույց տվեցին, որ որևէ հանդուրժողականություն չի կարելի ցուցաբերել, որովհետև խոսքը մարդկանց, մեր երեխաների, մեր հայրենակիցների կյանքի, անվտանգության և առողջության մասին է», – հայտարարեց ՀՀ վարչապետ Նիկոլ Փաշինյանը։

Օսիպյանն իր հերթին տեղեկացրեց, որ վերջին շրջանում նկատվում է վթարների թվի ավելացման միտում։ 

«Մենք ամեն ինչ անում ենք, բայց չեմ բացառում, որ մեր գործառույթների մեջ կան թերացումներ։ Բայց ոստիկանության գործառույթներով ամեն ինչ չի սահմանափակվում։ Խնդիրը նաև ճանապարհների վատ լուսավորությունն ու ավտոմեքենաների տեխնիկական զննությունն է։ Տեխնիկական զննությունը կրում է ձևական բնույթ, կարելի է ասել, որ ընդհանրապես բնույթ չի կրում, տեխզննում չի իրականացվում», – ասաց Օսիպյանը։

ՀՀ ոստիկանապետը նաև նշեց, որ ավտոմեքենաներ վաճառողներն ու ներկրողները հաճախ տեսքի են բերում մեքենան միայն արտաքինից, սակայն բոլոր մասերը գտնվում են հնամաշ վիճակում։

Միաժամանակ Օսիպյանը նշեց, որ գրանցվել է ավտոմեքենաների ներկրման աննախադեպ աճ` տեղեկացնելով, որ 2017թ.–ին Հայաստան է ներմուծվել ավելի քան 120 հազար տրանսպորտային միջոց։

ՀՀ բարձր տեխնոլոգիական արդյունաբերության նախարար Հակոբ Արշակյանն իր հերթին նշեց, որ մշակվում է օրինագիծ մեքենայի որոշ դետալների անսարքության դեպքում տրանսպորտային միջոցի շահագործումն արգելելու մասին։ 

«Չկա գործունեության ոչ մի տեսակ, որի շնորհիվ հնարավոր կլիներ լուծել բոլոր խնդիրները։ Հարցերը պետք է լուծվեն համալիր` մշակված ռազմավարության և ճանապարհային քարտեզի օգնությամբ», – քննարկումը եզրափակեց ՀՀ վարչապետը։–0–



Թեմատիկ նյութեր
Բաժնի այլ նյութեր
23:10
18 Հոկտեմբերի 2019
ԱԱԾ–ն պարզաբանում է`ինչու է Հրայր Թովմասյանի ընտանիքից բացատրություն վերցվել
ԱԱԾ–ն պարզաբանում է`ինչու է Հրայր Թովմասյանի ընտանիքից բացատրություն վերցվել:
20:10
18 Հոկտեմբերի 2019
Երկու եղբայրներին մեղադրանք է առաջադրվել ոստիկանների նկատմամբ հարձակում գործելու դեպքի առթիվ քննվող քրգործով
Երկու եղբայրներին մեղադրանք է առաջադրվել ոստիկանների նկատմամբ հարձակում գործելու դեպքի առթիվ քննվող քրգործով:
19:11
18 Հոկտեմբերի 2019
Ադրբեջանցի հակերները կոտրել են ՀՀ վարչապետի կայքը (ՖՈՏՈ)
Ադրբեջանցի հակերները կոտրել են ՀՀ վարչապետի Նիկոլ Փաշինյանի կայքը։
18:46
18 Հոկտեմբերի 2019
Երևանի մանկապարտեզներից մեկում երեխաներին կապում են աթոռներից, քաղաքապետարանը պարզաբանում է (ՖՈՏՈ)
Երևանի մանկապարտեզներից մեկում երեխաներին կապում են աթոռներից, քաղաքապետարանը պարզաբանում է:
18:09
18 Հոկտեմբերի 2019
Կադաստրի կոմիտեի ղեկավարն ազատման դիմում է ներկայացրել
Կադաստրի կոմիտեի ղեկավար Սարհատ Պետրոսյանն ազատման դիմում է ներկայացրել։
17:21
18 Հոկտեմբերի 2019
5 մլն դոլարի ներդրում. «Շիրակ» օդանավակայանը վերազինվում է (ՖՈՏՈ)
5 մլն դոլարի ներդրում. «Շիրակ» օդանավակայանը վերազինվում է:
16:21
18 Հոկտեմբերի 2019
ՎՏԲ-Հայաստան Բանկը և Մուլտիկարտա ընկերությունը ստորագրեցին համագործակցության համաձայնագիր
ՎՏԲ-Հայաստան Բանկն որոշում է կայացրել փոխարինել սեփական Պրոցեսինգային կենտրոնը ռուսական առաջատար Մուլտիկարտա ընկերության Պրոցեսինգային կենտրոնով։
16:06
18 Հոկտեմբերի 2019
Խախտվել են բոլոր նորմերը. Արտաշատի դպրոցներից մեկի ճաշարանի գործունեությունը կասեցվել է (ՖՈՏՈ)
Խախտվել են բոլոր նորմերը. Արտաշատի դպրոցներից մեկի ճաշարանի գործունեությունը կասեցվել է:
14:18
18 Հոկտեմբերի 2019
Շառլ Ազնավուրի որդին` Նիկոլա Ազնավուրը, տիկնոջ հետ տեղափոխվել է Հայաստան
Շառլ Ազնավուրի որդին` Նիկոլան, ընտանիքով տեղափոխվել է ապրելու Հայաստանում։
10:39
18 Հոկտեմբերի 2019
Հայաստանում կտրուկ կցրտի
Հայհիդրոմետկենտրոնը ներկայացրել է Հայաստանի առաջիկա օրերի եղանակի կանխատեսումը։
08:00
18 Հոկտեմբերի 2019
Հինգշաբթի` հոկտեմբերի 17–ի առավել ուշագրավ նորությունները
Ներկայացնում ենք հինգշաբթի` հոկտեմբերի 17–ի առավել ուշագրավ նորությունները։
20:14
17 Հոկտեմբերի 2019
Վանաձորում գործում են տարածաշրջանում նախադեպը չունեցող լուսաձայնային շատրվաններ (ՎԻԴԵՈ)
Վանաձորում գործում են տարածաշրջանում նախադեպը չունեցող լուսաձայնային շատրվաններ: