Վերջին ժամերին սահմանային բախումների վերաբերյալ տեսանյութերն ուսումնասիրվում են համապատասխան կառույցների կողմից.Հայկական տեղեկատվական կենտրոն

ԵՐԵՎԱՆ, 18 նոյեմբերի./Նովոստի–Արմենիա/. Հայաստանի Հանրապետության արևելյան սահմանագոտում նոյեմբերի 18-ին ժ. 14.00 դրությամբ էական միջադեպեր չեն գրանցվել, հաղորդում է Հայկական միասնական տեղեկատվական կենտրոնը։

Օպերատիվ իրավիճակը վերահսկվում է ՀՀ Զինված ուժերի կողմից։

«Վերջին ժամերին սահմանային բախումների վերաբերյալ համացանցում և լրատվամիջոցներում ակտիվ տարածվող տեսանյութերի առնչությամբ հայտնում ենք, որ դրանք մշտապես ուսումնասիրվում են համապատասխան կառույցների կողմից։ Մինչև այժմ շրջանառված տեսանյութերում տեղ գտած իրադարձությունները տեղի են ունեցել ավելի վաղ», – նշվում է հաղորդագրության մեջ։–0–