ԵՐԵՎԱՆ, 28 ապրիլի./Նովոստի–Արմենիա/. Համացանցում հրապարակվել է տեսանյութ, որտեղ երևում է, թե ինչպես են ոստիկանները բերման ենթարկում «Հայրենիք» կուսակցության առաջնորդ, «Պատիվ ունեմ» ընդդիմադիր խմբակցության ղեկավար Արթուր Վանեցյանի որդուն` Արտյոմ Վանեցյանին։
Ինքը` Արտյոմ Վանեցյանը, Facebook–յան իր էջում տեսանյութ է հրապարակել ոստիկանական մեքենայից։
«Նովոստի–Արմեիա» գործակալությունը մեկնաբանություն ստանալու համար դիմեց ՀՀ ոստիկանության տեղեկատվության և հասարակայնության հետ կապերի վարչության պետի տեղակալ ԷդգարՋանոյանին։
«Երևանի տարբեր տարածքներից ընդհանուր առմամբ ոստիկանություն է բերվել ակցիային մասնակցող 39 անձ։ Հիմքը վարչական օրենսգրքի 182 հոդված` ոստիկանական օրինական պահանջը։ Անձերով չեմ կարող առանձին–առանձին ասել», – ասաց Ջանոյանը։–0–
