ԵՐԵՎԱՆ, 31 հոկտեմբերի./Նովոստի–Արմենիա/. ՀՀ–ում ուսուցիչների աշխատավարձի դրույքը կբարձրանա, հինգշաբթի կառավարության նիստում ասաց ՀՀ կրթության, գիտության, մշակույթի և սպորտի նախարար Արայիկ Հարությունյանը։
ՀՀ կառավարությունը հինգշաբթի նիստի ժամանակ փոփոխություններ կատարեց հանրակրթական դպրոցների ֆինանսավորման գործող բանաձևում։
Նախարարը հիշեցրեց, որ 2001թ.–ից սկսած հաշվարկը կատարվել է աշակերտների թվի հիման վրա, ինչը զրկում է մրցակցության հնարավորությունից մարզերի թերհամալրված դպրոցները և հանրակրթական հաստատությունները, որոնք միակն են բնակավայրում։
Загружается новость ... "Лево"
«Նոր փոփոխություններով առաջարկվում է փոքր համակազմ ունեցող, թերհամալրված դպրոցների գումարը հաշվարկելիս հիմք ընդունել նաև դասարանների թիվը, ինչով պայմանավորված է ծախսերի հիմնական մասը։ Սահմանվել է ուսուցչի մեկ դրույքի նվազագույն աշխատավարձը՝ 108 հազար դրամ շաբաթական 22 դասաժամի համար, սակայն այն կարող է հասնել մինչև 125 հազարի», – նշեց նախարարը:
Թերհամալրված է համարվում տարրական դպրոցը մինչև 72 սովորող, հիմնական դպրոցը՝ մինչև100 սովորող, միջնակարգ դպրոցը՝ մինչև 207 սովորող, վարժարան և ավագ դպրոց՝ մինչև 135 սովորող։
Նախարարը նաև նշեց, որ եթե ամեն տարի ուսուցիչների աշխատավարձը 10%-ով ավելանա, ապա 4 տարի հետո այն կհասնի մեկ շնչի հաշվով ՀՆԱ մակարդակին՝ տարեկան կտրվածքով:
Այսօր ուսուցիչների դրույքը տարբեր դպրոցներում տատանվում է 80–150 հազար դրամի սահմանում։–0–